തിരുവനന്തപുരം: കള്ളപ്പണം വെളുപ്പിക്കല് കേസില് ജാമ്യം ലഭിച്ച ബിനീഷ് കോടിയേരി കേരളത്തില് തിരിച്ചെത്തി. ഇന്നലെ ബംഗളൂരു ജയിലില് നിന്നു പുറത്തിറങ്ങിയ ബിനീഷ് തിരുവനന്തപുരം വിമാനത്താവളത്തിലാണ് വന്നിറങ്ങിയത്.
‘കോടതിയോട് നന്ദി പറയുന്നു. വൈകിയാണെങ്കിലും നീതി ലഭിച്ചു. എല്ലാ കാലത്തും സത്യം മറച്ചുവെക്കാനില്ല, ഒരുപാട് കാര്യങ്ങള് പറയാനുണ്ട്. എല്ലാം പിന്നീട് വിശദീകരിക്കാം’ എന്നാണ് ബിനീഷ് കോടിയേരി മാധ്യമങ്ങളോട് പറഞ്ഞത്.
ഒക്ടോബര് 28നാണ് ബിനീഷ് കോടിയേരിക്ക് കര്ണാടക ഹൈക്കോടതി ജാമ്യം നല്കിയത്. ജാമ്യക്കാരെ ഹാജരാക്കാന് വൈകിയത് കാരണമാണ് വെള്ളിയാഴ്ച ജയിലില് നിന്ന് പുറത്തിറങ്ങാന് സാധിക്കാതിരുന്നത്.
അഞ്ച് ലക്ഷം രൂപയുടെ രണ്ട് ആള് ജാമ്യം നല്കണമെന്നായിരുന്നു പ്രധാന ജാമ്യവ്യവസ്ഥ. ഇതിനായി രണ്ട് കര്ണാടക സ്വദേശികളെ സെഷന്സ് കോടതിയിലെത്തിച്ചെങ്കിലും ജാമ്യവ്യവസ്ഥകള് കണ്ട് അവര് പിന്മാറുകയായിരുന്നു. പിന്നീട് രണ്ടുപേരെ കണ്ടെത്തി കോടതിയിലെത്തിച്ചെങ്കിലും സമയം വൈകിയിരുന്നു.
Discussion about this post