കൊച്ചി: ഇടപ്പള്ളി – വൈറ്റില ദേശീയ പാതയില് വച്ച് നടന് ജോജു ജോര്ജിന്റെ വാഹനം തല്ലിത്തകര്ത്തതിന് കോണ്ഗ്രസ് പ്രവര്ത്തകര്ക്കെതിരെ പൊലീസ് കേസെടുത്തു. വാഹനം തകര്ത്തതിനും ദേശീയപാത ഉപരോധിച്ചതിനുമാണ് കണ്ടാലറിയാവുന്ന പ്രവര്ത്തകരെ ഉള്പ്പെടുത്തി കേസ് റജിസ്റ്റര് ചെയ്തിരിക്കുന്നത്.
എന്നാല് മഹിളാ കോണ്ഗ്രസ് പ്രവര്ത്തകരെ അസഭ്യം പറഞ്ഞുവെന്ന ആരോപണത്തിന് ജോജുവിനെതിരെ തല്ക്കാലം കേസില്ല.
പരാതിയില് കൂടുതല് പരിശോധനയ്ക്ക് ശേഷമേ കേസ് റജിസ്റ്റര് ചെയ്യണോ എന്ന കാര്യം തീരുമാനിക്കൂ എന്ന് പൊലീസ് വ്യക്തമാക്കി. ജോജു മദ്യപിച്ചിരുന്നുവെന്ന് മഹിളാ കോണ്ഗ്രസ് ആരോപിച്ചിരുന്നു. എന്നാൽ മദ്യപിച്ചിരുന്നില്ലെന്ന് വൈദ്യപരിശോധനയിൽ തെളിഞ്ഞു.
Discussion about this post