ക്വിറ്റോ: എക്വഡോറിലെ ജയിലില് വീണ്ടും കലാപം. ജയിലിലെ തടവുകാര് തമ്മിലുള്ള സംഘര്ഷത്തില് 68 പേര് മരിച്ചു. 25 പേര്ക്ക് പരിക്കേറ്റു. തെക്കെ അമേരിക്കന് രാജ്യമായ എക്വഡോറിലെ ഗ്വായാക്വില് നഗരത്തിലെ ലിറ്റോറല് ജയിലില് വെള്ളിയാഴ്ച വൈകുന്നേരത്തോടെയാണ് ഏറ്റുമുട്ടല് തുടങ്ങിയത്. ഇതിനുമുമ്പും ഈ ജയിലില് നിന്ന് സമാന സംഭവങ്ങള് റിപ്പോര്ട്ട് ചെയ്തിരുന്നു.
മെക്സിക്കന് കുറ്റവാളിസംഘങ്ങളായ സിനാലോവ, ജലിസ്കോ ന്യൂജനറേഷന് കാര്ടെല്സ് എന്നിവയുമായി ബന്ധമുള്ള കുറ്റവാളികളാണ് ഏറ്റുമുട്ടിയത്.
സംഭവത്തിന് പിന്നാലെ മാഫിയാസംഘങ്ങളെ അമര്ച്ചചെയ്യാന് പുതിയ നടപടികള് സ്വീകരിക്കേണ്ടതുണ്ടെന്ന് എക്വഡോര് പ്രസിഡന്റ് ഗില്ലെര്മോ ലാസ്സോ പറഞ്ഞു. രാജ്യത്തെ സായുധസേനകളുടെ ശക്തി വര്ധിപ്പിക്കാന് യു.എസും യൂറോപ്യന് യൂണിയനും അടക്കം പിന്തുണ നല്കേണ്ടതുണ്ടെന്നും അദ്ദേഹം പറഞ്ഞു.
Discussion about this post