ഉത്തര്പ്രദേശിലെ പിലിഭിത്തില് 16 വയസുകാരിയെ കൂട്ടബലാത്സംഗം ചെയ്ത് കൊലപ്പെടുത്തിയ കേസില് 35 പേരെ പൊലീസ് കസ്റ്റഡിയിലെടുത്തു. പത്തുപേരെ പൊലീസ് ചോദ്യം ചെയ്ത് വരികയാണ്.
കഴിഞ്ഞ ശനിയാഴ്ചയാണ് ബര്ഖേര പൊലീസ് സ്റ്റേഷന് പരിധിയില് പെണ്കുട്ടിയെ കൊല്ലപ്പെട്ട നിലയില് കണ്ടെത്തിയത്. രാവിലെ സ്കൂളിലേക്ക് പോയ പെണ്കുട്ടി വൈകിട്ട് അഞ്ച് മണിയായിട്ടും തിരികെ എത്താത്തതിനെ തുടര്ന്ന് അന്വേഷിച്ചപ്പോഴാണ് രാത്രി 11 മണിയോടെ പെണ്കുട്ടിയുടെ മൃതദേഹം അര്ധനഗ്നമായ നിലയില് കണ്ടെത്തിയത്.
വീടിന് 500 മീറ്റര് അകലെ നിന്നാണ് മൃതദേഹം കണ്ടെത്തിയത്. മൃതദേഹത്തിന് സമീപം പെണ്കുട്ടിയുടെ ബാഗും സൈക്കിളുമുണ്ടായിരുന്നു. പൊലീസ് സംഭവ സ്ഥലത്തെത്തി പരിശോധന നടത്തി. സംഭവ സ്ഥലത്തുനിന്ന് മദ്യക്കുപ്പികളും കണ്ടെടുത്തിരുന്നു. പെണ്കുട്ടിയെ കൂട്ടബലാത്സംഗം ചെയ്ത് കൊലപ്പെടുത്തിയതാണെന്ന് ബന്ധുക്കള് ആരോപിച്ചു. ഞായറാഴ്ച പോസ്റ്റ്മോര്ട്ടത്തിന് ശേഷം മൃതദേഹം സംസ്കരിച്ചു.
Discussion about this post