കോഴിക്കോട്: ഹലാല് സംസ്ക്കാരം ഉണ്ടാക്കുന്നതിന് പിന്നില് വ്യക്തമായ അജണ്ടയുണ്ടെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. ആ അജണ്ട തിരിച്ചറിയാന് മറ്റ് പാര്ട്ടിക്കാര്ക്ക് സാധിക്കില്ലെങ്കിലും ബിജെപിക്ക് സാധിക്കുമെന്ന് കോഴിക്കോട് മാധ്യമപ്രവര്ത്തകരോട് സംസാരിക്കവെ അദ്ദേഹം പറഞ്ഞു.
ഭക്ഷണത്തിന്റെയും വസ്ത്രത്തിന്റെയും പേരില് ജനങ്ങളെ ഭിന്നിപ്പിക്കാന് മതതീവ്രവാദികള് ശ്രമിക്കുന്നതിന്റെ ഭാഗമാണ് ഹലാല്. കേരളത്തില് ഹലാല് പ്രതിഭാസം വളരെ പെട്ടെന്നാണ് വ്യാപകമായത്. ഇത് നിഷ്കളങ്കമല്ല. ഇതിന് പിന്നില് ജനങ്ങളെ ഭിന്നിപ്പിക്കാനും മതപരമായ കലഹമുണ്ടാക്കാനുമുള്ള ആസൂത്രിതമായ നീക്കമാണെന്നും അദ്ദേഹം പറഞ്ഞു.
പാലക്കാട് കൊലപാതകം കഴിഞ്ഞ് ഒരാഴ്ചയായിട്ടും ഒരു തുമ്പും കേരള പൊലീസിന് കിട്ടിയില്ലെന്ന് പറയുന്നത് അവിശ്വസനീയമാണ്. പൊലീസിന്റെ സഹായം തീവ്രവാദികള്ക്ക് കിട്ടിയിട്ടുണ്ടോയെന്ന് സംശയിക്കേണ്ടിയിരിക്കുന്നു. എന്ഐഎ അന്വേഷിക്കണമെന്ന് ആവശ്യപ്പെട്ട് അമിത്ഷായെ കാണുമെന്നും സുരേന്ദ്രന് പറഞ്ഞു. കെ-റെയില് വിഷയത്തില് ബിജെപിയുടെ നിലപാട് കേരളത്തിലെ ജനങ്ങള്ക്കൊപ്പമാണ്. സാങ്കേതികമായ കുറേ തടസമുള്ളതിനാല് കെ-റെയിലിന് കേന്ദ്ര അനുമതി കിട്ടില്ലെന്ന് തന്നെയാണ് വിശ്വാസമെന്നും സുരേന്ദ്രന് വ്യക്തമാക്കി.
Discussion about this post