ഡൽഹി : കേരളത്തിലെ കൊവിഡ് വ്യാപനത്തില് ആശങ്കയറിച്ച് കേന്ദ്രസര്ക്കാര്. കഴിഞ്ഞ മാസത്തെ കൊവിഡ് ബാധിതരില് 55% വും കേരളത്തില് നിന്നാണെന്ന് കേന്ദ്രം വ്യക്തമാക്കി. മരണനിരക്കും രോഗവ്യാപനവും പിടിച്ചുനിര്ത്തണമെന്ന് സംസ്ഥാനത്തിന് കേന്ദ്രം നിര്ദ്ദേശം നല്കി. കേരളത്തില് കൊവിഡ് മരണം കൂടിയെന്ന് കേന്ദ്രസര്ക്കാർ കണക്കുകള് വ്യക്തമാക്കി.
സംസ്ഥാനത്ത് കഴിഞ്ഞയാഴ്ച 2118 മരണവും തൊട്ടുമുമ്പത്തെ ആഴ്ച 1890 മരണവും റിപ്പോര്ട്ട് ചെയ്തു. തൃശ്ശൂര്, മലപ്പുറം, കോഴിക്കോട്, കൊല്ലം ജില്ലകളിലാണ് മരണനിരക്ക് കൂടുതല്.
തിരുവനന്തപുരം, കോട്ടയം, കോഴിക്കോട്, വയനാട് ജില്ലകളിലെ പൊസിറ്റിവിറ്റി നിരക്കിൽ കേന്ദ്രം ആശങ്കയറിച്ചു. ഈ നാല് ജില്ലകളിൽ 10 ശതമാനത്തിന് മുകളിലാണ് പോസിറ്റിവിറ്റി. കേരളത്തിലേതുള്പ്പെടെ രാജ്യത്തെ 18 ജില്ലകളിലെ ക്ലസ്റ്ററുകളില് നിരീക്ഷണം ശക്തമാക്കണമെന്നും ആരോഗ്യമന്ത്രാലയം നിര്ദ്ദേശിച്ചിട്ടുണ്ട്. കൊല്ലം, ആലപ്പുഴ, എറണാകുളം, ഇടുക്കി, തൃശ്ശൂര്, പാലക്കാട്, കണ്ണൂര്, കാസര്ഗോഡ് ജില്ലകളിലെ വ്യാപനം തടയാന് കൂടുതല് ശ്രദ്ധവേണമെന്നും കേന്ദ്രം വ്യക്തമാക്കിയിട്ടുണ്ട്.
Discussion about this post