ഡല്ഹി : ടാങ്ക് വേധ മിസൈലിന്റെ പരീക്ഷണം വിജയകരമായി പൂര്ത്തിയാക്കി ഡിആര്ഡിഒ. മാന് പോര്ട്ടബിള് ആന്റി-ടാങ്ക് ഗൈഡഡ് മിസൈലിന്റെ പരീക്ഷണമാണ് ഇന്ത്യയുടെ പ്രതിരോധ ഗവേഷണ സ്ഥാപനമായ ഡിആര്ഡിഒ വിജയകരമായി പൂര്ത്തിയാക്കിയത്. സൈനികര്ക്ക് വഹിക്കാന് കഴിയുന്ന ഇത്തരം മിസൈലുകള് യുദ്ധങ്ങളില് ഇന്ത്യയ്ക്ക് ഇരട്ടി കരുത്ത് നല്കും.
ഏറ്റവും കുറഞ്ഞ ദൂരപരിധിയിലായിരുന്നു പരീക്ഷണം നടത്തിയത്. പരീക്ഷണത്തില് ലക്ഷ്യം കൃത്യതയോടെ ഭേദിച്ചാണ് മിസൈല് കരുത്ത് തെളിയിച്ചത്. നേരത്തെ പരമാവധി ദൂരപരിധിയില് നടത്തിയ പരീക്ഷണങ്ങളിലും മിസൈല് ലക്ഷ്യം കൃത്യതയോടെ ഭേദിച്ചു. മനുഷ്യന് വഹിക്കാന് കഴിയുന്ന ലോഞ്ചറുകളാണ് ഈ മിസൈലുകളുടെ പ്രധാന സവിശേഷത. തെര്മല് സൈറ്റുമായി ബന്ധിപ്പിച്ചിട്ടുള്ള ലോഞ്ചറുകള്ക്ക് ഭാരം കുറവാണ്. ലക്ഷ്യസ്ഥനത്തേക്ക് എത്തുന്നതിനായി ഇന്ഫ്രാറെഡ് ഇമേജിംഗ് സീക്കറും, ഓണ് ബോര്ഡ് കണ്ട്രോളിനായി അത്യാധുനിക ഏവിയോണിക്സും ഉള്പ്പെടുത്തിയിട്ടുണ്ട്.
പരീക്ഷണം വിജയകരമായി പൂര്ത്തിയാക്കിയ ഡിആര്ഡിഒയെ കേന്ദ്രപ്രതിരോധ മന്ത്രി രാജ്നാഥ് സിംഗ് അഭിനന്ദിച്ചു. പരീക്ഷണം വിജയിക്കുന്നതിന്റെ ദൃശ്യങ്ങള് ഡിആര്ഡിഒ ഫേസ്ബുക്കില് പങ്കുവെച്ചിട്ടുണ്ട്.
Discussion about this post