ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടതായി കേന്ദ്ര കാലാവസ്ഥ വകുപ്പ്. തെക്കന് ആന്ഡമാന് കടലിലും തെക്ക് കിഴക്കന് ബംഗാള് ഉള്ക്കടലിനും മുകളിലായാണ് ന്യൂനമര്ദ്ദം രൂപപ്പെട്ടിരിക്കുന്നത്. ഇതേ തുടര്ന്ന് അടുത്ത 48 മണിക്കൂറിനുള്ളില് അതിതീവ്ര ന്യൂനമര്ദ്ദമായി ശക്തി പ്രാപിക്കാന് സാദ്ധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
ന്യൂനമര്ദ്ദത്തെ തുടര്ന്ന് സംസ്ഥാനത്ത് ഇന്നും ഒറ്റപ്പെട്ടയിടങ്ങളില് ഇടിമിന്നലോടുകൂടിയ മഴയ്ക്ക് സാദ്ധ്യതയുണ്ട്. അടുത്ത അഞ്ച് ദിവസം മഴ തുടര്ന്നേക്കുമെന്നാണ് കാലാവസ്ഥാ വകുപ്പ് മുന്നറിയിപ്പ് നല്കിയിരിക്കുന്നത്. മഴയോടൊപ്പം ശക്തമായ കാറ്റിനും സാദ്ധ്യതയുണ്ട്. മണിക്കൂറില് 30-40 കി.മി വരെ വീശിയടിച്ചേക്കാവുന്ന കാറ്റുണ്ടാകുമെന്നാണ് സൂചന.
അടുത്ത മൂന്ന് മണിക്കൂറിനുള്ളില് ആലപ്പുഴ, കോട്ടയം, എറണാകുളം, തൃശ്ശൂര് എന്നീ ജില്ലകളില് മഴയുണ്ടായേക്കും. മലയോരമേഖലകളിലും വ്യാപകമായ മഴയ്ക്ക് സാദ്ധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകി.
Discussion about this post