നടിയെ ആക്രമിച്ച കേസില് അട്ടിമറി ശ്രമം നടക്കുന്നെന്ന് പരാതി നല്കിയ അതിജീവിതയെ അപമാനിച്ചുവെന്ന് ആരോപിച്ച് എല്ഡിഎഫ് നേതാക്കള്ക്കെതിരെ വനിതാ കമ്മീഷനില് പരാതി. മഹിളാ കോണ്ഗ്രസ് സംസ്ഥാന അധ്യക്ഷയും എം പിയുമായ ജെബി മേത്തര് ആണ് പരാതി നല്കിയത്.
മുന് മന്ത്രി എം എം മണി, ഗതാഗതവകുപ്പ് മന്ത്രി ആന്റണി രാജു, സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന് എന്നിവര്ക്കെതിരെ നടപടി സ്വീകരിക്കണമെന്നാണ് മഹിളാ കോണ്ഗ്രസിന്റെ ആവശ്യം. ഭരണഘടനാ പദവിയില് ഇരുന്നിട്ടുള്ളവരും ഇപ്പോള് ആ സ്ഥാനങ്ങള് വഹിക്കുന്ന ആളുകളും ബോധപൂര്വം അതിജീവിതയെ സമൂഹത്തിന് മുന്നില് ആക്ഷേപിക്കുന്ന തരത്തിലാണ് ചില പ്രസ്താവനകള് നടത്തിയത്. ഇത്തരം പ്രസ്താവനകള് അതിജീവിതയ്ക്ക് മാത്രമല്ല, സ്ത്രീകളെ പൊതുവായി അപമാനിക്കുന്നവയാണ് എന്നും പരാതിയില് പറയുന്നു.
Discussion about this post