കോവളം: നടന് മോഹന്ലാലിനായി തടിയില് തീര്ത്ത വിശ്വരൂപമെന്ന ശില്പം തയ്യാറായി. മഹാവിഷ്ണുവിന്റെ വിവിധ ഭാവത്തിലുളള 11 മുഖങ്ങളും അനുബന്ധ ശില്പങ്ങളുമാണ് 12 അടി ഉയരമുള്ള വിശ്വരൂപത്തിലുള്ളത്. കുമ്പിള് തടിയിലാണ് ശില്പം തീർത്തിരിക്കുന്നത്.
ക്രാഫ്റ്റ് വില്ലേജില് ദിയാ ഹാന്ഡി ക്രാഫ്റ്റ്സ് എന്ന സ്ഥാപനം നടത്തുന്ന ശില്പി വെള്ളാര് നാഗപ്പനും സഹശില്പികളായ ഒന്പതു പേരും ചേര്ന്നാണ് ശില്പം പൂര്ത്തീകരിച്ചത്. അടുത്ത മാസം ആദ്യവാരം മോഹൻലാലിന്റെ ചെന്നൈയിലുള്ള വീട്ടിലേക്കു ശില്പം കൊണ്ടുപോകും.
.
നടന് മോഹന്ലാലിന് വര്ഷങ്ങള്ക്കു മുന്പ് ആറടി ഉയരമുള്ള വിശ്വരൂപം ശില്പി നാഗപ്പന് നിര്മിച്ചു നല്കിയിരുന്നു. ഇതിനെത്തുടര്ന്ന് വലിയ രൂപം നിര്മിച്ചുതരണമെന്ന് അദ്ദേഹം ശില്പിയോട് ആവശ്യപ്പെട്ടു.
നാഗപ്പനൊപ്പം സഹശില്പികളായ സോമന്, ഭാഗ്യരാജ്, വിജയന്, രാധാകൃഷ്ണന്, സജു, ശിവാനന്ദന്, കുമാര്, നന്ദന്, രാമചന്ദ്രന് എന്നിവരും ചേർന്നാണ് ശില്പം തയ്യാറാക്കിയത്.
Discussion about this post