സംസ്ഥാനത്ത് ഇന്നും കനത്ത മഴയ്ക്ക് സാദ്ധ്യതയെന്ന് കേന്ദ്ര കാലാവസ്ഥാ വിഭാഗത്തിന്റെ മുന്നറിയിപ്പ്. തിരുവനന്തപുരം ഒഴികെ 13 ജില്ലകളിലും ഇന്ന് മുന്നറിയിപ്പ് പുറപ്പെടുവിച്ചിട്ടുണ്ട്. ആറ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. ഇടുക്കി, തൃശൂര്, മലപ്പുറം കോഴിക്കോട്, കണ്ണൂര് കാസര്ഗോഡ് എന്നിവിടങ്ങളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
അതേസമയം വടക്കന് ജില്ലകളില് കൂടുതല് ശക്തമായ മഴ കിട്ടിയേക്കും. മണ്സൂണ് പാത്തി കൂടുതല് തെക്കോട്ട് നീങ്ങിയതും ജാര്ഖണ്ഡിനും പശ്ചിമ ബംഗാളിനും മുകളിലായുള്ള ന്യൂനമര്ദ്ധവുമാണ് ശക്തമായ മഴ തുടരാന് കാരണം. അറബിക്കടലില് നിന്നുള്ള കാലവര്ഷ കാറ്റും ശക്തമാണ്. ശക്തമായ, ഉയര്ന്ന തിരമലകള്ക്ക് സാധ്യത ഉള്ളതിനാല് തീര്ദേശവാസികള് ജാഗ്രത പാലിക്കണം. മത്സ്യത്തൊഴിലാളികള് കടലില് പോകരുത്. മലയോരമേഖലകളിലും പ്രത്യേക ജാഗ്രത വേണം.
അതേസമയം, കനത്ത മഴ തുടരുന്ന സാഹചര്യത്തില് കാസര്ഗോഡ് ജില്ലയിലെ എല്ലാ സ്കൂളുകള്ക്കും, അങ്കണവാടികള്ക്കും ജില്ലാ കളക്ടര് ഇന്ന് അവധി പ്രഖ്യാപിച്ചിരിക്കുകയാണ്. കോളേജുകള്ക്ക് അവധിയില്ല.
Discussion about this post