ഡല്‍ഹി: സമാജ് വാദി പാര്‍ട്ടി സ്ഥാപകന്‍ മുലായം സിങ് യാദവിന്റെ ഭാര്യ സാധന ഗുപ്ത അന്തരിച്ചു. ഗുരുഗ്രാമിലെ മേദാന്ത ആശുപത്രിയിലായിരുന്നു അന്ത്യം.
ശ്വാസകോശ സംബന്ധമായ രോഗത്തെത്തുടര്‍ന്ന് ദീര്‍ഘകാലമായി ചികിത്സയിലായിരുന്നു. ആരോഗ്യ പ്രശ്നങ്ങളെ തുടര്‍ന്ന്, സാധന ഗുപ്തയെ ആശുപത്രിയില്‍ പ്രവേശിപ്പിക്കുകയായിരുന്നെന്നാണ് റിപ്പോര്‍ട്ടുകള്‍. ആരോഗ്യ നില വഷളായതിനെ തുടര്‍ന്ന് അവരെ ആശുപത്രിയിലെ തീവ്രപരിചരണവിഭാഗത്തിലേക്ക് മാറ്റുകയായിരുന്നു.
മുലായം സിംഗ് യാദവിന്റെ രണ്ടാം ഭാര്യയായിരുന്നു സാധന ഗുപ്ത. പ്രതീക് യാദവ് മകനും ഭാരതീയ ജനതാ പാര്‍ട്ടി നേതാവ് അപര്‍ണ യാദവ് മരുമകളുമാണ്.
Discussion about this post