കോട്ടയം: നടിയെ തട്ടിക്കൊണ്ടുപോയി ആക്രമിച്ച കേസുമായി ബന്ധപ്പെട്ട് മുന് ജയില് ഡിജിപി ആര് ശ്രീലേഖ നടത്തിയ വെളിപ്പെടുത്തലിന്റെ അടിസ്ഥാനത്തില് കേസ് പുനരന്വേഷിക്കണമെന്ന് മുന് എംഎല്എയും ജനപക്ഷം നേതാവുമായി പിസി ജോര്ജ്.
ശ്രീലേഖയുടെ വെളിപ്പെടുത്തലിലൂടെ കേസ്, പൊലീസ് ക്രമവിരുദ്ധമായി ഇടപെട്ട് കെട്ടിച്ചമച്ചതാണെന്ന് വ്യക്തമായിരിക്കുന്നുവെന്ന് പിസി ജോര്ജ് ഫേസ്ബുക്കില് കുറിച്ചു.
‘പൊലീസിന്റെ വഴിവിട്ട ഇടപെടലിന്റെ പിന്നില് പ്രവര്ത്തിച്ചവരെ വെളിച്ചത്തു കൊണ്ടുവരണം. തെറ്റ് ചെയ്ത പൊലീസ് ഉദ്യോഗസ്ഥരെ ശിക്ഷിക്കണം. ഈ കേസിന്റെ സത്യാവസ്ഥ ഞാന് പറഞ്ഞപ്പോള് ഒറ്റപ്പെടുത്താന് ശ്രമിച്ചവര് ഇപ്പോഴെങ്കിലും സത്യം മനസ്സിലാക്കണം. ബിഷപ് ഫ്രാങ്കോയുടെ കേസിലും ഞാന് പറഞ്ഞതായിരുന്നു സത്യം എന്ന് കോടതി വിധി തെളിയിച്ചു. ആഭ്യന്തര വകുപ്പ് കയ്യാളുന്ന മുഖ്യമന്ത്രി പിണറായി വിജയന്റെ ഇടപെടലുകള് ഈ കേസില് ഉണ്ടായിട്ടുണ്ടെന്ന് വ്യക്തമാക്കുന്നതാണ് ശ്രീലേഖയുടെ വെളിപ്പെടുത്തലുകള്’- പിസി ജോര്ജിന്റെ കുറിപ്പില് പറയുന്നു.
Discussion about this post