75 ദിവസത്തെ കൊവിഡ് വാക്‌സിൻ അമൃത് മഹോത്സവ് നടപ്പിലാക്കുന്നതിനായി പുതിയ പദ്ധതി തയ്യാറാക്കി കർണാടക സർക്കാർ. ജോലിസ്ഥലത്ത് വാക്‌സിനേഷനും വീടുതോറുമുള്ള കുത്തിവയ്പ്പ് ഡ്രൈവും നടത്തുന്നതിന് ജില്ല തിരിച്ചുള്ള മൈക്രോ പ്ലാനുകൾ ആണ് തയ്യാറാക്കിയിരിക്കുന്നത്.
രണ്ടാമത്തെ ഡോസ് കഴിഞ്ഞ് ആറ് മാസമോ 26 ആഴ്ചയോ പൂർത്തിയാക്കിയ 18 വയസ്സിന് മുകളിലുള്ള എല്ലാ പൗരന്മാർക്കും വെള്ളിയാഴ്ച മുതൽ സെപ്റ്റംബർ 30 വരെ മുൻകരുതൽ ഡോസ് പ്രയോജനപ്പെടുത്താമെന്ന് സംസ്ഥാന ആരോഗ്യമന്ത്രി കെ സുധാകർ അറിയിച്ചു.
സംസ്ഥാനത്തുടനീളമുള്ള 8,000 സർക്കാർ കോവിഡ് വാക്സിനേഷൻ കേന്ദ്രങ്ങളിലായി അടുത്ത 75 ദിവസത്തിനുള്ളിൽ യോഗ്യരായ 4.34 കോടി ഗുണഭോക്താക്കൾക്ക് വാക്സിനേഷൻ നൽകാനുള്ള സർക്കാർ പദ്ധതി തയ്യാറാണെന്ന് മന്ത്രി പറഞ്ഞു.
നിലവിൽ സംസ്ഥാനത്ത് 8.84 ലക്ഷം ഡോസ് കോവിഷീൽഡും 31.55 ലക്ഷം ഡോസ് കോവാക്സിനും സ്റ്റോക്കുണ്ടെന്നും അദ്ദേഹം പറഞ്ഞു.
ബുധനാഴ്ച വീടുതോറുമുള്ള വാക്സിനേഷൻ ഡ്രൈവ്, ‘ലസിക മേളകൾ’ എന്നിവയ്‌ക്കൊപ്പം ജോലിസ്ഥലത്ത് (ഐടി കമ്പനികൾ, വ്യവസായങ്ങൾ, സർക്കാർ ഓഫീസുകൾ മുതലായവ) വാക്സിനേഷനുകൾ നടത്തുന്നതിന് ജില്ലാതല മൈക്രോ പ്ലാനുകൾ തയ്യാറാക്കിയിട്ടുണ്ട്.
യോഗ്യരായ എല്ലാ പൗരന്മാരോടും അവരുടെ മുൻകരുതൽ ഡോസ് എടുക്കാനും കോവിഡ് രഹിത ഇന്ത്യയ്ക്കായി കൈകോർക്കാനും അദ്ദേഹം അഭ്യർത്ഥിച്ചു.
ഈ കാമ്പെയ്‌നിൽ, എല്ലാ ഗുണഭോക്താക്കൾക്കും എല്ലാ സർക്കാർ കോവിഡ് വാക്സിനേഷൻ കേന്ദ്രങ്ങളിലും മുൻകരുതൽ ഡോസ് സൗജന്യമായി ലഭിക്കാൻ അർഹതയുണ്ട്.
Discussion about this post