മങ്കിപോക്സ് ആശങ്കയെ തുടര്ന്ന് കേരളത്തിലെ അഞ്ച് ജില്ലകളില് പ്രത്യേക ജാഗ്രത നിർദേശം നൽകി. തിരുവനന്തപുരം, കൊല്ലം, ആലപ്പുഴ, പത്തനംതിട്ട, കോട്ടയം ജില്ലകളിലാണ് നിര്ദേശം നല്കിയിരിക്കുന്നത്.
ഇന്നലെ രോഗം സ്ഥിരീകരിച്ച കൊല്ലം സ്വദേശിയുടെ പ്രാഥമിക സമ്പര്ക്ക പട്ടികയില് 16 പേരുണ്ട്. ഇവര് നിരീക്ഷണത്തിലാണ്. കൂടുതൽ പേരെ ആവശ്യമെങ്കിൽ ആശുപത്രികളിലെ നിരീക്ഷണത്തിലേക്ക് മാറ്റാൻ നടപടി എടുക്കും. പോസിറ്റിവ് ആയ കൊല്ലം സ്വദേശിക്കൊപ്പം വിമാനത്തിൽ അടുത്തു യാത്ര ചെയ്ത 11 പേർ ഉണ്ടെന്നു കണ്ടെത്തിയിരുന്നു. ഇവരോട് സ്വയം നിരീക്ഷണം പാലിക്കാനും, ലക്ഷണങ്ങൾ കണ്ടെത്തിയാൽ പരിശോധിക്കാനും ആണ് ഇപ്പോൾ നിർദേശം നൽകിയിട്ടുള്ളത്. ചികിത്സ, ഐസൊലേഷൻ, വിമാന താവളങ്ങളിൽ ഉൾപ്പടെ നിരീക്ഷണം എന്നിവയിൽ വിശദമായ മാർഗ രേഖയും തയാറാണ്.
Discussion about this post