ഡൽഹി: മുഖ്യമന്ത്രിക്കും കുടുംബത്തിനും എതിരായ സ്വപ്നയുടെ രഹസ്യമൊഴി സുപ്രീംകോടതിക്ക് നല്കാന് എൻഫോഴ്സ്മെന്റ് ഡയറക്ടറേറ്റ്. കോടതി അനുവദിച്ചാല് മുദ്രവച്ച കവറില് രഹസ്യമൊഴി സുപ്രീംകോടതിക്ക് നല്കാമെന്ന് ഇഡി രേഖാമൂലം കോടതിയെ അറിയിച്ചു.
അതേസമയം, സ്വർണക്കടത്ത് കേസിന്റെ വിചാരണ ബെംഗളൂരുവിലേക്ക് മാറ്റണമെന്നാവശ്യപ്പെട്ട് സുപ്രീംകോടതിയിൽ ഇഡി ട്രാൻസ്ഫർ ഹർജി നൽകി. ബംഗളൂരു പ്രിൻസിപ്പൽ സെഷൻസ് കോടതിയിലേക്ക് മാറ്റണമെന്നാവശ്യപ്പെട്ടാണ് ഇഡി ഹർജി നൽകിയത്.
കേരളത്തിൽ നീതിപൂർവമായ വിചാരണ ഉറപ്പാക്കാനാവില്ലെന്ന് ഹർജിയിൽ പറയുന്നു. കേസ് അട്ടിമറിക്കാൻ സാധ്യത ഉണ്ടെന്ന് ഹർജിയിൽ ആരോപിച്ചു. സ്വർണക്കളളക്കടത്തിലെ കള്ളപ്പണ ഇടപാടിൽ വിചാരണ നടപടികൾ എറണാകുളം പ്രിൻസിപ്പൽ സെഷൻസ് കോടതിയിൽ തുടങ്ങാനിരിക്കെയാണ് ഇഡിയുടെ പുതിയ നീക്കം. നടപടികൾ ബെംഗളൂരുവിലെ കോടതിയിലേക്ക് മാറ്റണമെന്ന് ആവശ്യപ്പെട്ടാണ് ഇഡി കൊച്ചി സോണ് അസിസ്റ്റന്റ് ഡയറക്ടര് സുപ്രീം കോടതിയെ സമീപിച്ചിരിക്കുന്നത്.
Discussion about this post