ഡൽഹി: നാഷണല് ഹെറാള്ഡ് കേസുമായി ബന്ധപ്പെട്ട എന്ഫോഴസ്മെന്റ് ഡയറക്ടറേറ്റിന്റെ ചോദ്യം ചെയ്യല് കഴിഞ്ഞ് സോണിയ ഗാന്ധി ഇ ഡി ഓഫിസില് നിന്ന് മടങ്ങി. മൂന്ന് മണിക്കൂറാണ് സോണിയ ഗാന്ധിയെ ഇ ഡി ചോദ്യം ചെയ്തത്.
ഇനിയും ആവശ്യമെങ്കിൽ സോണിയയെ സമൻസ് നൽകി വിളിച്ചുവരുത്തുമെന്ന് ഇഡി അറിയിച്ചു. സോണിയയുടെ ആരോഗ്യനില കൂടി കണക്കിലെടുത്താണ് തീരുമാനം. മകള് പ്രിയങ്ക ഗാന്ധിക്കൊപ്പമാണ് സോണിയ ചോദ്യം ചെയ്യലിന് ഹാജരായത്.
അതേസമയം, വിഷയത്തില് പ്രതിപക്ഷം ഇന്ന് പാര്ലമെന്റില് അടിയന്തരപ്രമേയ നോട്ടീസ് നല്കിയിരുന്നു. നടുത്തളത്തില് പ്ലക്കാര്ഡ് ഉയര്ത്തിയാണ് കോണ്ഗ്രസ് എം പിമാര് പ്രതിഷേധിച്ചത്. പ്രതിപക്ഷ ബഹളത്തെത്തുടര്ന്ന് രാജ്യസഭ നിര്ത്തിവയ്ക്കുകയായിരുന്നു. കേന്ദ്രസര്ക്കാര് വേട്ടയാടുന്നുവെന്ന് ചൂണ്ടിക്കാട്ടി 12 പാര്ട്ടികള് സംയുക്ത പ്രസ്താവന പുറത്തിറക്കിയിട്ടുണ്ട്. അന്വേഷണ ഏജന്സികളെ ഉപയോഗിച്ച് രാഷ്ട്രീയ വൈരാഗ്യം തീര്ക്കുന്നുവെന്ന് പ്രതിപക്ഷ പാര്ട്ടികള് പ്രസ്താവിച്ചു.
Discussion about this post