ഡല്‍ഹി: കോണ്‍ഗ്രസ് പ്രസിഡന്റ് സോണിയാ ഗാന്ധിയേയും മുന്‍ പ്രധാനമന്ത്രി മന്‍മോഹന്‍ സിങിനേും പ്രധാനമന്ത്രി നരേന്ദ്രമോദി ചായ സല്‍ക്കാരത്തിന് ക്ഷണിച്ചു. ജി.എസ്.ടി ബില്ലിന്മേലുള്ള പ്രതിഷേധം തണുപ്പിക്കുന്നതിന്റെ ഭാഗമായാണ് പ്രധാനമന്ത്രിയുടെ ക്ഷണം എന്നാണ് വിലയിരുത്തല്‍.
എന്നാല്‍ കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധിയെ മോദി ക്ഷണിച്ചിട്ടില്ലെന്നത് ശ്രദ്ധേയമായി.
ബി.ജെ.പി സര്‍ക്കാര്‍ അധികാരത്തില്‍ വന്ന ശേഷം ഇതാദ്യമായാണ് പ്രധാനമന്ത്രി നരേന്ദ്ര മോദിയും സോണിയാ ഗാന്ധിയും കൂടിക്കാഴ്ച നടത്തുന്നത്. സോണിയാ ഗാന്ധിയേയും മന്‍മോഹന്‍ സിങിനേയും മോദി ക്ഷണിച്ചത് ജനവികാരം കണക്കിലെടുത്താണെന്ന് രാഹുല്‍ ഗാന്ധി പ്രതികരിച്ചു.
സാധാരണ പാര്‍ലമെന്റ് സുഗമമായി നടത്താന്‍ പിന്തുണ തേടി സര്‍ക്കാര്‍ പ്രതിപക്ഷവുമായി ചര്‍ച്ച നടത്താറുണ്ടെങ്കിലും ചായ സല്‍ക്കാരത്തിന് ക്ഷണിക്കുന്നത് ആദ്യമായാണ്. രാജ്യസഭയില്‍ ബില്‍ പാസാക്കാന്‍ സര്‍ക്കാരിന് പ്രതിപക്ഷത്തിന്റെ സഹായം ആവശ്യമാണ്.
Discussion about this post