മോഹന്ലാല്, സുരേഷ് ഗോപി, റീമ കല്ലിങ്കല് എന്നി സിനിമ താരങ്ങള് കേരള നിയമസഭ തെരഞ്ഞെടുപ്പില് മത്സരിച്ചേക്കുമെന്ന് അഭ്യൂഹം. മലയാളത്തിലെ ഓണ്ലൈന് ന്യൂസ് സൈറ്റുകളും സോഷ്യല് മീഡിയകളുമാണ് സ്ഥിരീകകരിക്കപ്പെടാത്ത വാര്ത്തകള് പുറത്ത് വിടുന്നത്.
നടന് മോഹന്ലാല് കോണ്ഗ്രസ് സ്ഥാനാര്ത്ഥിയായി ചങ്ങനാശ്ശേരിയില് മത്സരിച്ചേക്കുമെന്ന വാര്ത്ത നല്കിയത് മനോരമ ന്യൂസ് ആണ്. എന്എസ്എസ് നോമിനിയായി മോഹന്ലാല് ചങ്ങനാശ്ശേരി മണ്ഡലത്തില് മത്സരിക്കണമെന്ന എന്എസ്എസ് നിര്ദ്ദേശത്തെ കോണ്ഗ്രസ് പിന്തുണക്കുമെന്നും റിപ്പോര്ട്ട് പറയുന്നു. കേരള കോണ്ഗ്രസിന്റെ സീറ്റാണ് ചങ്ങനാശ്ശേരി. മോഹന്ലാലാണ് മത്സരിക്കുന്നങ്കില് സീറ്റ് വിട്ടു നല്കാന് കേരള കോണ്ഗ്രസ് തയ്യാറാകുമെന്നും പിന്തുണ സ്വരൂപിച്ചത് കേരള കോണ്ഗ്രസ് എംഎല്എയായ എന് ജയരാജാണെന്നും സ്ഥിരീകരിക്കാത്ത റിപ്പോര്ട്ടുകളുണ്ടെന്നും മനോരമ പറയുന്നു.
നേരത്തെ മോഹന്ലാലിന്റെ രാഷ്ട്രീയ പ്രവേശം ചര്ച്ചയായിരുന്നതാണ്.
ഇതിനിടെ നടന് സുരേഷ് ഗോപി ബിജെപി സ്ഥാനാര്ത്ഥിയായ വട്ടിയൂര് കാവില് മത്സരിക്കുമെന്ന സ്ഥിരീകരിക്കാത്ത വാര്ത്ത വിവിധ മാധ്യമങ്ങള് പുറത്ത് വിട്ടിരുന്നു.ബിജെപിയ്ക്ക് ജയസാധ്യതയുള്ള മണ്ഡലത്തില് കോണ്ഗ്രസ് സ്ഥാനാര്ത്ഥി കെ മുരളീധരനെയാവും സുരേഷ് ഗോപി നേരിടുകയെന്നുമായിരുന്നു പ്രചരണം.
ഇതിനിടെ എല്ഡിഎഫ് സ്ഥാനാര്ത്ഥിയായി ആഷിഖ് അബുവിന്റെ ഭാര്യ കൂടിയായ നടി റീമ കല്ലിങ്കല് മത്സരിക്കുമെന്ന വാര്ത്തകളും നവമാധ്യമങ്ങളില് പ്രചരിക്കുന്നുണ്ട്. ആഷിഖ് അബു തൃപ്പൂണിത്തുറയില് ഭാര്യയ്ക്കായി സീറ്റുറപ്പിച്ചുവെന്നായിരുന്നു വാര്ത്തകള്.
നേരത്തെ തൃപ്പൂണിത്തുറയില് നടന് ശ്രീനിവാസന് ഇടത് സ്ഥാനാര്ത്ഥിയാകുമെന്ന വാര്ത്ത പ്രചരിച്ചിരുന്നുവെങ്കിലും ശ്രീനിവാസന് തന്നെ ആ വാര്ത്ത നിഷേധിച്ചു. മന്ത്രിയാക്കുമെങ്കില് മുസ്ലിംലീഗ് സ്ഥാനാര്ത്ഥിയായി മത്സരിക്കാമെന്നായിരുന്നു ശ്രീനിവാസന്റെ കളിയാക്കല്.
മോഹന് ലാല്. സുരേഷ് ഗോപി, റീമ കല്ലിങ്കല്, ശ്രീനിവാസന്, എന്നിവര്ക്ക് പുറമെ മറ്റ് ഏതെല്ലാം സെലിബ്രറ്റികളെ നവമാധ്യമങ്ങള് ‘സ്ഥാനാര്ത്ഥി’കളാക്കുമെന്ന് വരും ദിവസങ്ങളില് വ്യക്തമാകും.
Discussion about this post