റായ്പുർ : ഛത്തീസ്ഗഡിലെ നാരായൺപൂർ ജില്ലയിൽ ഐഇഡി സ്ഫോടനം. കമ്മ്യൂണിസ്റ്റ് ഭീകരർ നടത്തിയ ആക്രമണത്തിൽ രണ്ട് ഡിആർജി ഉദ്യോഗസ്ഥർക്ക് പരിക്കേറ്റു. ഏതാനും മാസങ്ങൾക്ക് മുൻപ് സമാനമായ ആക്രമണത്തിൽ രണ്ട് ഐടിബിപി ഉദ്യോഗസ്ഥർ കൊല്ലപ്പെട്ട അതേ മേഖലയിലാണ് ഇത്തവണയും സ്ഫോടനം നടന്നത്.
കമ്മ്യൂണിസ്റ്റ് ഭീകരർക്കെതിരായി ഡിആർജിയും ബോർഡർ സെക്യൂരിറ്റി ഫോഴ്സും ഒരുമിച്ച് തിരച്ചിൽ നടത്തുന്നതിനിടെയാണ് സംഭവം. ജില്ലാ റിസർവ് ഗാർഡിലെ രണ്ട് ഉദ്യോഗസ്ഥർക്കാണ് പരിക്കേറ്റിട്ടുള്ളത്. കൊഖമേട്ട പോലീസ് സ്റ്റേഷൻ പരിധിയിലെ കച്ചപാൽ ഗ്രാമത്തിന് സമീപം രാവിലെ 8.30 ഓടെയാണ് സ്‌ഫോടനമുണ്ടായത്.
ഡിആർജി ഉദ്യോഗസ്ഥരായ ജനക് പട്ടേലിനും ഘാസിറാം മാഞ്ചിക്കും ആണ് സോടനത്തിൽ പരിക്കേറ്റത്. ഇരുവരെയും ഉടൻ നാരായൺപൂർ ജില്ലാ ആശുപത്രിയിലേക്ക് മാറ്റി. നിലവിൽ രണ്ട് ഉദ്യോഗസ്ഥരും അപകടനില തരണം ചെയ്തതായി പോലീസ് സ്ഥിരീകരിച്ചു.
Discussion about this post