ആലപ്പുഴ : വാട്ടർ കണക്ഷൻ പോലും ഇല്ലാത്ത ആൾക്ക് വെള്ളം ഉപയോഗിച്ചതിന് ബില്ല്. തെക്കേക്കര കിഴക്ക് സ്വദേശി കുഞ്ഞുമോൻ കാർത്തികപള്ളി എന്നയാൾക്കാണ് വാട്ടർ കണക്ഷന് ബിൽ ലഭിച്ചത് . വാട്ടർ കണക്ഷന് അപേക്ഷ നൽകി എഗ്രിമെന്റ് മാത്രം വെച്ച അപേക്ഷകനാണ് ഉപയോഗിക്കാത്ത വെള്ളത്തിന് ബില്ല് കിട്ടിയത്.
അപേക്ഷകന് 10,308 രൂപ ബിലാണ് ലഭിച്ചത്. ഇതിൽ പരാതി നൽക്കുകയും ചെയ്തു. സംഭവത്തിൽ മന്ത്രി സജി ചെറിയാൻ അന്വേഷണത്തിന് ഉത്തരവിട്ടു.
നിലവിൽ വാട്ടർ കണക്ഷന് നൽകിയ അപേക്ഷയിന്മേൽ എഗ്രിമെന്റ് നടപടികൾ പൂർത്തിയാക്കി. എന്നാൽ കണക്ഷൻ ലഭിച്ചിട്ടില്ല. കണക്ഷൻ കിട്ടുന്നതിന് മുൻപാണ് ഇത്ര ഭീമമായ തുക വന്നത് എന്ന് പരാതിയിൽ പറയുന്നു. വിഷയം പരിഗണിച്ച മന്ത്രി സജി ചെറിയാൻ ഗുരുതരമായ വീഴ്ചയാണ് ഉണ്ടായത് എന്ന് കണ്ടെത്തി.
ഈ നടപടിയിന്മേൽ അന്വേഷണം നടത്തി തെറ്റായ ബിൽ നൽകിയ ഉദ്യോഗസ്ഥന് എതിരെ നടപടി സ്വീകരിക്കാനും വാട്ടർ അതോറിറ്റി ബിൽ അടയ്ക്കാൻ ആവശ്യപ്പെട്ട് പരാതിക്കാരന് നൽകിയ നോട്ടിസിലെ മുഴുവൻ തുകയും ഒഴിവാക്കി നൽകാനും ഉത്തരവായി .
Discussion about this post