ആന്റിഗ്വ: ഒന്നാം ക്രിക്കറ്റ് ടെസ്റ്റില്‍ ആതിഥേയരായ വെസ്റ്റിന്‍ഡീസിന് ഇന്ത്യക്കെതിരെ ഫോളോ ഓണ്‍. ഇന്ത്യയുടെ ഒന്നാമിന്നിങ്‌സ് സ്‌കോറായ എട്ടിന് 566 (ഡിക്ലയേര്‍ഡ്) എന്ന ലക്ഷ്യം പിന്തുടര്‍ന്ന വെസ്റ്റിന്‍ഡീസ് ആദ്യ ഇന്നിങ്‌സില്‍ 243 റണ്‍സിന് പുറത്തായി.
ഫോളോ ഓണ്‍ കിട്ടി രണ്ടാം ഇന്നിങ്‌സ് ബാറ്റ് തുടങ്ങിയ വിന്‍ഡീസിന് മൂന്നാം ദിനം കളി അവസാനിക്കുമ്പോള്‍ 21 റണ്‍സിന് ഒരു വിക്കറ്റ് എന്ന നിലയിലാണ്. ക്രെയിഗ് ബ്രാത്‌വെയ്റ്റിനെ ഇഷാന്ത് ശര്‍മ പുറത്താക്കിയത്. 9 റണ്‍സുമായി ചന്ദ്രികയും 10 റണ്‍സുമായി ഡാറണ്‍ ബ്രാവോയുമാണ് ക്രീസിലുള്ളത്.
ആദ്യ ഇന്നിങ്‌സില്‍ ഇന്ത്യയ്ക്കുവേണ്ടി ഷമിയും ഉമേഷ് യാദവും നാലു വിക്കറ്റ് വീതം വീഴ്ത്തിയപ്പോള്‍ അമിത് മിശ്ര രണ്ടു വിക്കറ്റ് സ്വന്തമാക്കി. രണ്ടാം ദിവസം എട്ടുവിക്കറ്റിന് 566 എന്ന നിലയില്‍ ഇന്ത്യ ഒന്നാമിന്നിങ്‌സ് ഡിക്ലയര്‍ ചെയ്യുകയായിരുന്നു.
Discussion about this post