മുംബൈ: തിരുവനന്തപുരം ജില്ലയില് നാലിടത്തുകൂടി കവര്ച്ചയ്ക്ക് ശ്രമിച്ചിരുന്നുവെന്ന് എ.ടി.എം. കവര്ച്ചാക്കേസിലെ മുഖ്യപ്രതി ഗബ്രിയേല് മരിയന്. സമാനരീതിയില് തായ്ലന്ഡിലും ജപ്പാനിലും മോഷണം നടത്തിയതായും ഇയാള് പോലീസില് മൊഴി നല്കി. തിരുവനന്തപുരം സ്റ്റാച്യു, ഹൗസിങ് ബോര്ഡ് എന്നിവിടങ്ങളിലെ എ.ടി.എമ്മുകളിലാണ് കവര്ച്ച നടത്താന് ശ്രമിച്ചത്. സാങ്കേതികപ്രശ്നത്തെ തുടര്ന്ന് ശ്രമം ഉപേക്ഷിക്കുകയായിരുന്നു. നേരത്തെ ആല്ത്തറയിലെ എസ്.ബി.ഐയുടെ എ.ടി.എമ്മിലാണ് ഗബ്രിയേല് ഉള്പ്പെടുന്ന സംഘം കവര്ച്ച നടത്തിയത്.
തായ്ലന്ഡില് 70 കോടി രൂപയ്ക്കു തുല്യമായ മോഷണമാണ് റുമാനിയന് സംഘം നടത്തിയത്. എന്നാല് കേസില് ആരെയും പിടികൂടിയിട്ടില്ല എന്നും പ്രതി പറഞ്ഞു. ഗബ്രിയേല് നല്കിയ വിവരങ്ങള് പോലീസ് ഇന്റര്പോളിന് കൈമാറും.
കേരളത്തിലെ മോഷണസംഘത്തിന്റെ നേതാവ് ക്രിസ്റ്റിയന് വിക്ടര് എന്നയാളാണെന്നും മൊഴിയുണ്ട്. ഇയാള് വിദേശത്തേക്ക് കടന്നതായാണ് സൂചന.
Discussion about this post