ന്യൂഡൽഹി : സംസ്ഥാനാന്തര മയക്കുമരുന്ന് റാക്കറ്റിനെ പിടികൂടി പഞ്ചാബിലെ ബർണാല പോലീസ് .11 സംസ്ഥാനങ്ങളിലെ 50 ജില്ലകളിലായി പ്രവർത്തിക്കുന്ന മയക്കുമരുന്ന് റാക്കറ്റിലുള്ള ഇരുപതോളം ആളുകളെയാണ് പോലീസ് പിടികൂടിയത്.ഇവരുടെ കൈവശമുണ്ടായിരുന്ന 70 ലക്ഷം രൂപയും 27,62,137 രൂപ വില വരുന്ന ലഹരിമരുന്നുകളും 5 വാഹനങ്ങളും പോലീസ് പിടിച്ചെടുത്തിട്ടുണ്ട്.
ബർണാല എസ്.എസ്.പി ശ്രീ സന്ദീപ് ഗോയലിന്റെ നേതൃത്വത്തിലുള്ള പോലീസ് ഉദ്യോഗസ്ഥർ 8 ആഴ്ചയോളമായി നടത്തിയ അന്വേഷണത്തിലാണ്‌ ഇവരെ പിടികൂടാനായത്.”ആഗ്രാ ഗാങ് ” എന്നറിയപ്പെട്ടിരുന്ന ഈ മയക്കുമരുന്ന് റാക്കറ്റിൽ ഉൾപ്പെട്ടയാളുകൾ പഞ്ചാബ്, പശ്ചിമ ബംഗാൾ, ഉത്തർപ്രദേശ്, ഡൽഹി എന്നിവിടങ്ങളിൽ പ്രവർത്തിക്കുന്നുണ്ടെന്ന വിവരം ലഭിച്ചിട്ടുണ്ട്.രണ്ടു മാസം മുമ്പ് ബർണാല പോലീസ് “മഥുര ഗാങ്” എന്ന മയക്കുമരുന്ന് റാക്കറ്റിനെ പിടികൂടിയിരുന്നു.
