മുംബൈ: നിരന്തരമുള്ള കേസുകൾ മൂലം നിരാശനായി അർണാബ് ഗോസ്വാമി ആത്മഹത്യ ചെയ്യുമെന്ന് മഹാരാഷ്ട്ര മന്ത്രി. സംഭാഷണം ഒളിക്യാമറയിൽ പകർത്തി റിപ്പബ്ലിക് ടിവി സംപ്രേഷണം ചെയ്തതോടെ വിവാദം കൊഴുക്കുന്നു. അർണബിനെതിരെ നിരന്തരം വരുന്ന കേസുകൾ അദ്ദേഹത്തെ അസ്വസ്ഥമാക്കുന്നുണ്ടെന്നും അധികം വൈകാതെ തന്നെ അർണബ് ആത്മഹത്യ ചെയ്യുമെന്നുമുള്ള ‘ആശങ്ക’ പങ്കുവെച്ച് എൻസിപി നേതാവും മഹാരാഷ്ട്ര ന്യൂനപക്ഷ ക്ഷേമ വകുപ്പ് മന്ത്രിയുമായ നവാബ് മാലിക്.
റിപ്പബ്ലിക്ക് ചാനൽ നടത്തിയ സ്റ്റിങ് ഓപ്പറേഷനിലൂടെ റിപ്പബ്ലിക്ക് ചാനലിനെതിരെയും ചാനലിന്റെ എഡിറ്റർ ഇൻ ചീഫ് അർണബ് ഗോസ്വാമിക്കെതിരെയും കേസുകൾ കെട്ടിചമക്കുന്നതിനു പിന്നിൽ വൻ ഗൂഢാലോചനയുണ്ടെന്ന് കണ്ടെത്തിയിരുന്നു. അതിൽ ശരത് പവാറിന്റെ അടുത്ത അനുയായിയായ നവാബ് മാലിക്കിനും പങ്കുണ്ടെന്ന് തെളിയിക്കുന്ന വിവരങ്ങളാണ് ഇപ്പോൾ പുറത്തു വന്നിട്ടുള്ളത്. ടിആർപി കേസിന്റെ എഫ്ഐആറിൽ റിപ്പബ്ലിക്ക് ചാനലിന്റെ പേരില്ലെയെന്ന് റിപ്പോർട്ടർ നവാബ് മാലിക്കിനോട് ചോദിച്ചപ്പോൾ, കേസിന്റെ അന്വേഷണം അവസാനിച്ചിട്ടില്ലെന്നും എല്ലാത്തിനുമവസാനം റിപ്പബ്ലിക്ക് ചാനലിന്റെ പേര് തീർച്ചയായും എഫ്ഐആറിൽ ഉണ്ടാകുമെന്നുമുള്ള മറുപടിയാണ് നവാബ് മാലിക് നൽകിയത്.
ദിവസങ്ങൾക്കു മുമ്പ് നടത്തിയ മറ്റൊരു സ്റ്റിങ് ഓപ്പറേഷനിൽ മഹാരാഷ്ട്രയിലെ മുതിർന്ന കോൺഗ്രസ് നേതാക്കൾ, പ്രത്യേകിച്ച് മുഖ്യമന്ത്രി ഉദ്ദവ് താക്കറെ റിപ്പബ്ലിക്ക് ചാനലും അർണബും പുറത്തുകൊണ്ടുവരുന്ന വിവരങ്ങളിൽ അസ്വസ്ഥനായിരുന്നുവെന്ന് കോൺഗ്രസ് നേതാക്കൾ തന്നെ വെളിപ്പെടുത്തിയിട്ടുണ്ട്. മാത്രമല്ല, റിപ്പബ്ലിക് ചാനലിനെതിരെയുള്ള ഗൂഢാലോചനക്ക് പിന്നിൽ എൻ.സി.പി തലവൻ ശരത് പവാർ ആണെന്നും നേതാക്കൾ കൂട്ടിച്ചേർക്കുന്നു.
#TargetArnabPlot revealed in sting operation on a sitting Maharashtra minister; Watch the shocking conspiracy unravel #LIVE here – https://t.co/rGQJsiKgt2 pic.twitter.com/wWG6Tuh0eq
— Republic (@republic) October 21, 2020
