ബിടെക് കാരനായ ഫസലിന്‍റെ വീരകഥകള്‍ മലപ്പുറത്തുകാര്‍ക്ക് സ്ഥിര പരിചയമാണ് നടിമാരെ ഒന്ന് കാണുന്നതിനായി ഏതറ്റം വരെയും പോകാന്‍ ഫസല്‍ റെഡി .. അതിനായി എന്തും സഹിക്കാനും തയ്യാര്‍. അടുത്തിടെ ബംഗളൂരുവില്‍ പോയത് തമിഴ്‌നടി ഖുഷ്ബുവിനെ കാണാന്‍ വേണ്ടി മാത്രമായിരുന്നു.മലപ്പുറത്തുനിന്ന് ട്രെയിനിലാണ് ഇയാള്‍ ബംഗളൂരുവില്‍ എത്തിയത് . ഒരുവിധം നടിയുടെ ഗേറ്റുവരെ എത്തി. എന്നാല്‍ സുരക്ഷാജീവനക്കാര്‍ ഇയാളെ കഴുത്തിനു പിടിച്ചു പുറത്ത് തള്ളി. അതോടെ ഖുഷ്ബുവിനെ നേരില്‍ക്കാണുകയെന്ന ഫസലിന്‍റെ മോഹം പരാജയപ്പെട്ടു.
അതേസമയം ഇയാള്‍ ഹൈദരാബാദിലും അടുത്തിടെ പോയതായി പോലീസിന് സൂചന ലഭിച്ചു. അവിടെയും ഒരു നടിയെ കാണുന്നതിനാണ് പോയത്‌എന്ന് പറയുന്നു . എന്നാല്‍ ആരെക്കാണാനാണ് പോയതെന്ന് ഇയാള്‍ വെളിപ്പെടുത്തിയില്ല. ഇപ്പോഴും കൃഷ്ണകുമാറിന്റെ വീട്ടിലെത്തിയത് അഹാനയെ കാണാന്‍ വേണ്ടി മാത്രമാണ് , അതിനുശേഷം തിരികെ കോട്ടയത്തേക്ക് പോകാനായിരുന്നത്രെ ഫസലിന്‍റെ പ്ലാന്‍. എന്നാല്‍ കോട്ടയത്ത് താന്‍ കാണണമെന്ന് ആഗ്രഹിച്ചിരുന്ന നടിയാരെന്നുള്ള കാര്യവും ഇയാള്‍ പോലീസിനോടു വെളിപ്പെടുത്തിയിട്ടില്ല.
ഒരുവിധം മാന്യമായ വസ്ത്രധാരണത്തോടെയാണ് കൃഷ്ണകുമാറിന്റെ വീട്ടില്‍ ഫസല്‍ എത്തിയിരുന്നതെങ്കിലും കൈവശം അത്യാവശ്യം തിരികെപ്പോകുന്നതിനുള്ള കാശുമാത്രമാണ് ഉണ്ടായിരുന്നത്. മൊബൈല്‍ഫോണ്‍ കൈവശം ഉണ്ടായിരുന്നില്ല. അറസ്റ്റിനുശേഷം പോലീസ് മലപ്പുറത്തെ ഇയാളുടെ ബന്ധുക്കളെ കോണ്‍ടാക്‌ട് ചെയ്തപ്പോള്‍ അവരുടെ ഭാഗത്തു നിന്നുള്ള പ്രതികരണം തണുപ്പന്‍ മട്ടിലായിരുന്നു .
ഇതു സ്ഥിരം സ്വഭാവമാണെന്നും കൂടുതലൊന്നും തങ്ങള്‍ക്ക് പറയാനില്ലെന്നും നിയമം പോലെ നടപടിയെടുക്കാമെന്നുമാണ് ബന്ധുക്കള്‍ പ്രതികരിച്ചത്. പിതാവ് മരണപ്പെട്ടു, ഇയാള്‍ക്ക് രണ്ടു സഹോദരങ്ങളുണ്ട്. അവര്‍ രണ്ടുപേരും അധ്യാപകരാണ്. ഫേസ്ബുക്ക് ഉള്‍പ്പെടെയുള്ള സോഷ്യല്‍ മീഡിയയില്‍ സജീവമാണ് ഫൈസല്‍ . എന്നാല്‍ ഇയാള്‍ ഇത്തരം മീഡിയകളെ ആശ്രയിക്കുന്നത് തെന്നിന്ത്യന്‍ നടിമാരുടെ വിശദവിവരങ്ങള്‍ അറിയുന്നതിനായി മാത്രമാണ്.
