ലഖ്നൗ: ഉത്തർ പ്രദേശിലെ ആശുപത്രികളിൽ ഓക്സിജൻ ക്ഷാമമില്ലെന്ന് മുഖ്യമന്ത്രി യോഗി ആദിത്യനാഥ്. വിവിധ സ്ഥാപനങ്ങളുമായി സഹകരിച്ച്‌ സംസ്ഥാന സര്‍ക്കാര്‍ ഓക്‌സിജന്‍ ഓഡിറ്റ് നടത്തുമെന്നും കൊറോണ വൈറസിനെതിരെ ജാഗ്രത പാലിക്കണമെന്നും അദ്ദേഹം അറിയിച്ചു.
ഓക്‌സിജന്റെ ആവശ്യകത, വിതരണം തുടങ്ങിയവയുമായി ബന്ധപ്പെട്ട് ലൈവ് ട്രാക്കിങ് സംവിധാനം നടപ്പാക്കുമെന്ന് യോഗി ആദിത്യനാഥ് പറഞ്ഞു. കൊവിഡ് ബാധിച്ച എല്ലാ രോഗികള്‍ക്കും ഓക്‌സിജന്‍ സിലിണ്ടർ ആവശ്യമില്ല. ഇക്കാര്യത്തിൽ പരിഭ്രാന്തി പരത്തരുതെന്നും ഇതിനെക്കുറിച്ച്‌ എല്ലാവരിലേക്കും വിവരമെത്തിക്കാന്‍ മാധ്യമങ്ങള്‍ തയാറാകണമെന്നും അദ്ദേഹം ആവശ്യപ്പെട്ടു. മാധ്യമ പ്രവർത്തകരുമായി നടത്തിയ വെർച്വൽ യോഗത്തിൽ സംസാരിക്കുകയായിരുന്നു അദ്ദേഹം.
കൊവിഡ് വ്യാപനത്തിനെതിരായ പ്രതിരോധത്തില്‍ വീഴ്ച വരുത്തരുതെന്നും യോഗി ആദിത്യനാഥ് ജനങ്ങളോട് പറഞ്ഞു.
