കശ്മീർ പുനരേകീകരണം ഭൂമിശാസ്ത്രപരമായി സാധ്യമാക്കുന്നതിൽ നിർണായക നാഴികക്കല്ലായി മാറാൻ സാദ്ധ്യതയുള്ള തുരങ്ക നിർമാണവുമായി കേന്ദ്ര സർക്കാർ മുന്നോട്ട്. 2023ൽ പണി പൂർത്തിയാകുന്ന വിധത്തിലാണ് പദ്ധതി വിഭാവനം ചെയ്യപ്പെട്ടിരിക്കുന്നത്. രാജ്യത്തെ ഏറ്റവും ഉയരത്തിൽ സ്ഥിതി ചെയ്യുന്ന റെയിൽവേ ശൃംഖലയായിരിക്കും ഇത്.
പീർ പാഞ്ചൽ മലനിരകളിലെ ഏറ്റവും ദുർഘടമായ സാഹചര്യങ്ങളെ അതിജീവിച്ചാണ് തുരങ്കം നിർമ്മിക്കുന്നത്. ഉധംപുർ- ശ്രീനഗർ- ബരാമുള്ള റെയിൽവേ ലിങ്കിന്റെ മർമ്മപ്രധാനമായ ഭാഗമാണ് ടി- 49 തുരങ്കം.
കൊവിഡ് വ്യാപനത്തെ തുടർന്ന് മന്ദഗതിയിലായിരുന്ന തുരങ്കത്തിന്റെ നിർമാണം നിലവിൽ ശരവേഗത്തിൽ പുരോഗമിക്കുകയാണ്. പീർ പാഞ്ചലിലെ 11.2 കിലോമീറ്റർ ദൈർഘ്യമുള്ള ഭാഗം പണി പൂർത്തിയാക്കിക്കഴിഞ്ഞു. ട്രാക്ക് അലൈന്മെന്റ് പണികളും അതിവേഗം പുരോഗമിക്കുകയാണ്.
