ന്യൂഡല്‍ഹി:സര്‍ക്കാര്‍ സ്ഥാപനങ്ങളില്‍ ഒബിസി വിഭാഗത്തില്‍പ്പെട്ടവര്‍ക്ക് സംവരണം ഉറപ്പാക്കാന്‍ ജമ്മു കശ്മീര്‍ ഭരണകൂടം. പഞ്ചായത്തിരാജ് നിയമത്തില്‍ ഭേദഗതി വരുത്തിയ നടപടിയാണ് ജമ്മു കശ്മീര്‍ അഡ്മിനിസ്ട്രേറ്റീവ് കൗണ്‍സില്‍ അംഗീകരിച്ചത്. ലെഫ്റ്റനന്റ് ഗവര്‍ണര്‍ മനോജ് സിന്‍ഹയുടെ അദ്ധ്യക്ഷതയില്‍ ചേര്‍ന്ന കൗണ്‍സില്‍ യോഗത്തിലാണ് തീരുമാനം.
പഞ്ചായത്ത് ഭരണസമിതികളുടെ പ്രവര്‍ത്തനത്തില്‍ സുതാര്യത ഉറപ്പുവരുത്തി നിയമം കൂടുതല്‍ കാര്യക്ഷമമാക്കാനാണ് ഭേദഗതികള്‍ ലക്ഷ്യമിടുന്നത്. സംസ്ഥാന സര്‍ക്കാര്‍ തസ്തികകളിലെ നിയമനത്തിലും പ്രൊഫഷണല്‍ സ്ഥാപനങ്ങളിലേക്കുള്ള പ്രവേശനത്തിലും സംവരണം നല്‍കുന്നത് സംബന്ധിച്ചുള്ളതാണ് ജമ്മു കശ്മീര്‍ സംവരണ നിയമം. ഇതില്‍ സാമ്പത്തികമായി പിന്നാക്കം നില്‍ക്കുന്ന വിഭാഗങ്ങള്‍ക്ക് പ്രൊഫഷണല്‍ സ്ഥാപനങ്ങളില്‍ സംവരണം ഏര്‍പ്പെടുത്തുന്നത് ഉള്‍പ്പടെയുള്ള ഭേദഗതികളാണ് പറയുന്നത്.
ജമ്മു കശ്മീര്‍ സംവരണ ഭേദഗതി ബില്ലും പുനസംഘടന ഭേദഗതി ബില്ലും കഴിഞ്ഞ ശൈത്യകാല സമ്മേളനത്തിലാണ് പാര്‍ലമെന്റ് പാസാക്കിയത്.കേന്ദ്രമന്ത്രി അമിത് ഷായാണ് ബില്ല് ഇരുസഭകളിലും
അവതരിപ്പിച്ചത്.PRI കളുടെ പ്രവര്‍ത്തനത്തില്‍ സുതാര്യത, ഭരണഘടനാപരമായ വിന്യാസം, പട്ടികജാതി, പട്ടികവര്‍ഗ വിഭാഗങ്ങള്‍ ഒഴികെയുള്ള ഒബിസികള്‍ക്ക് സുതാര്യത ഉറപ്പാക്കി കൊണ്ട് സംവരണം നല്‍ക്കുക എന്നതാണ് പഞ്ചായത്തിരാജ് നിയമം.
