യുഎഇ; മലയാളികൾക്ക് സന്തോഷവാർത്തയുമായി യുഎഇയിലെ സ്റ്റാറ്റിസ്റ്റ് റിപ്പോർട്ട്. തൊഴിലില്ലായ്മ 2024 ൽ 3.10 ശതമാനം മാത്രമായിരിക്കുമെന്നാണ് റിപ്പോർട്ട്. എക്കണോമി മിഡിൽ ഈസ്റ്റ് പ്രകാരം 7 ജോലികൾക്കാണ് യുഎഇയിൽ ഇപ്പോൾ വൻ ഡിമാൻഡ്. ഇൻഫർമേഷൻ ടെക്‌നോളജി (ഐടി), ബാങ്കിംഗ്, ഫിനാൻസ്, റിയൽ എസ്റ്റേറ്റ്, കൺസ്ട്രക്ഷൻ, ഓയിൽ ആൻഡ് ഗ്യാസ്, റിന്യൂവബിൾ എനർജി, ടൂറിസം എന്നീ മേഖലകളിലായിരിക്കും 2024 ൽ ഏറ്റവും കൂടുതൽ ജോലി സാധ്യത ഉണ്ടായിരിക്കുക
ടൂറിസം, ഹോസ്പിറ്റാലിറ്റി പ്രൊഫഷണലുകൾ
യുഎഇയിൽ ടൂറിസം കുതിച്ച് ഉയരുകയാണ്. ഇനി വരും വർഷങ്ങളിൽ ഈ മേഖലയിൽ തൊഴിലവസരങ്ങൾ കുത്തനെ ഉയരും.ഈ മേഖലയിൽ, ടൂർ ഗൈഡുകളും ഷെഫുകളും മുതൽ ഹോട്ടൽ ജീവനക്കാർ വരെ വലിയ തോതിൽ ആവശ്യമായി വരും.
സൈബർ സുരക്ഷാ വിദഗ്ധർ
യുഎഇയുടെ സൈബർ സുരക്ഷാ കൗൺസിലിൽ നിന്നുള്ള ഡാറ്റ കാണിക്കുന്നത് 2023-ലെ ആദ്യ ഒമ്പത് മാസങ്ങളിൽ രാജ്യത്ത് 71 ദശലക്ഷത്തിലധികം സൈബർ ആക്രമണ ശ്രമങ്ങൾ തടയപ്പെട്ടുവെന്നാണ്. സൈബർ സുരക്ഷാ പ്രൊഫഷണലുകളുടെ ആവശ്യകതയാണ് ഈ കണക്കുകൾ കാണിക്കുന്നത്
ആർട്ടിഫിഷ്യൽ ഇന്റലിജൻസ് (AI), മെഷീൻ ലേണിംഗ് (ML)
പ്രൊഫഷണലുകൾ 2030 ആകുമ്പോഴേക്കും യുഎഇയുടെ മൊത്ത ആഭ്യന്തര വിപണിയിൽ 14 ശതമാനം സംഭാവന നൽകുക ആർട്ടിഫിഷ്യൽ ഇന്റലിജൻസ് മേഖലയുമായി ബന്ധപ്പെട്ടായിരിക്കുമെന്നാണ് കണക്കുകൾ വ്യക്തമാക്കുന്നത്. ലാജിസ്റ്റിക്സ്, ഫിനാൻസ്, ഹെൽത്ത്കെയർ എന്നിവയുൾപ്പെടെ – ഒന്നിലധികം മേഖലകളിൽ ആർട്ടിഫിഷ്യൽ ഇന്റലിജൻസ്, മെഷീൻ ലേണിംഗ് സ്വാധീനം ശക്തിപ്പെടുത്തുകയും നിരവധി പേർക്ക് തൊഴിൽ അവസരം നൽകുകയും ചെയ്യും.
ഇ-കൊമേഴ്സ് വിദഗ്ധർ
2027 വരെ യുഎഇയുടെ ഇ-കൊമേഴ്സ് വിപണി 4 ശതമാനം വാർഷിക നിരക്കിൽ വളരുമെന്നാണ് പ്രതീക്ഷിക്കുന്നത്. ഓൺലൈൻ ഷോപ്പിംഗ് തിരഞ്ഞെടുക്കുന്ന കൂടുതൽ ഉപഭോക്താക്കളെ ഉൾക്കൊള്ളാൻ, ഈ വ്യവസായത്തിന് കൂടുതൽ ഇ-കൊമേഴ്സ് വിദഗ്ധരെ ആവശ്യമുണ്ട്
ഹെൽത്ത് കെയർ പ്രൊഫഷണലുകൾ
11 ദശലക്ഷം ആളുകൾക്ക് സേവനം നൽകാനും ക്ലീവ്ലാൻഡ് ക്ലിനിക്ക്, മയോ ക്ലിനിക്ക് തുടങ്ങിയ സ്‌പെഷ്യാലിറ്റി ആശുപത്രികളുള്ള ഒരു മെഡിക്കൽ ടൂറിസം ഹബ്ബായി യുഎഇയിലെ ആരോഗ്യ മേഖല വളരുകയാണ്.
