വീട്ടിൽ പലവിധത്തിലുള്ള പെയിന്റിംഗുകൾ തൂക്കി ഭംഗിയാക്കാൻ ഇഷ്ടമുള്ളവരായിരിക്കും നമ്മളിൽ പലരും.പെയിന്റിംഗുകൾ വീടിന്റെ അലങ്കാരം വർദ്ധിപ്പിക്കുന്നു. എന്നാൽ വാസ്തു ശാസ്ത്ര പ്രകാരം, ചില ചിത്രങ്ങൾ നിങ്ങളുടെ വീട്ടിൽ വച്ചാൽ അത് പോസിറ്റീവ് എനർജി ആകർഷിക്കുന്നു.
വാസ്തു ശാസ്ത്രത്തിൽ ശുഭകരമായി കണക്കാക്കുന്ന മൃഗങ്ങളിൽ ഒന്നാണ് കുതിര.ഏഴ് എന്ന സംഖ്യ വളരെ പ്രാധ്യാന്യമുള്ള ഒന്നാണ്. സംഗീതത്തിലെ ഏഴ് സ്വരങ്ങൾ, ഏഴ് സാഗരങ്ങൾ, ഏഴ് വർണ്ണങ്ങൾ, സപ്തർഷികൾ, ആഴ്ചയിലെ ഏഴ് ദിവസങ്ങൾ, എന്നിവയൊക്കെ ഏഴ് എന്ന സംഖ്യയുടെ പ്രാധാന്യത്തെ സൂചിപ്പിക്കുന്നു. ഊർജ്ജത്തിന്റെ നാഥനായ സൂര്യഭഗവാന്റെ തേരിലെ ഏഴ് കുതിരകൾ ആണുള്ളത്. ഇതെല്ലാം ഐശ്വര്യത്തെ സൂചിപ്പിക്കുന്ന ഘടകങ്ങളാണ്. വാസ്തുശാസ്ത്രം അനുസരിച്ച് വീട്ടിൽ ഏഴ് കുതിരകളുടെ ചിത്രം തൂക്കുന്നത് ഐശ്വര്യം കൊണ്ടുവരുമെന്നാണ് വിശ്വാസം.ഇത് സ്ഥിരത, ധൈര്യം, ശക്തി, വിശ്വസ്തത എന്നിവയെ പ്രതീകപ്പെടുത്തുന്നു.ഓടുന്ന കുതിരകൾ ജീവിതത്തിന്റെ വേഗതയും വളർച്ചയും ചിത്രീകരിക്കുന്നു.
സ്വീകരണമുറിയിലും ഡൈനിങ് ഹാളിലും നിങ്ങൾക്ക് ഏഴ് കുതിരകളുടെ ഫോട്ടോ സൂക്ഷിക്കാം. പൂജാമുറിയിലോ കിടപ്പ് മുറിയിലോ ഇത് വയ്ക്കരുത്. കുതിരകൾക്ക് മുകളിലായി സൂര്യൻ ഉദിച്ചു വരുന്ന ചിത്രമോ ചന്ദ്രനുദിച്ചു നിൽക്കുന്ന ചിത്രമോ വയ്ക്കുന്നത് ഉത്തമമാണ്. എന്നാൽ കുതിരകളെ കെട്ടിയിട്ടിരിക്കുന്ന ചിത്രം നല്ലതല്ല.
തെക്കുവശത്ത് വയ്ക്കുന്നതാണ് കൂടുതൽ നല്ലത്. അത് സാധിക്കാത്തവർക്ക് വടക്ക് വശത്തോ കിഴക്ക് വശത്തോ വയ്ക്കാം. സമാധാനപരമായ ഭാവത്തോടെ ഓടുന്ന കുതിരകളുടെ ചിത്രം വയ്ക്കുക. ആക്രമണകാരിയായ കുതിരയുടെ വാസ്തു പെയിന്റിംഗ് ഒരിക്കലും വീട്ടിൽ വയ്ക്കരുത്. വെള്ളത്തിലൂടെയല്ല തുറന്ന നിലത്തുകൂടി ഓടുന്ന കുതിരയുടെ ചിത്രം വേണം വയ്ക്കാൻ. കുതിരകളുടെ അപൂർണ്ണമായ ചിത്രം വയ്ക്കരുത്. ചുവന്ന പശ്ചാത്തലമുള്ള ഏഴ് കുതിരകളുടെ പെയിന്റിംഗ് ചൊവ്വയുടെ സ്വാധീനം ചെലുത്തും. അത് ഒരാളുടെ ആത്മാഭിമാനം വർദ്ധിപ്പിക്കാൻ സഹായിക്കും. നീല നിറത്തിൽ ചിത്രീകരിച്ചിരിക്കുന്ന ഏഴ് കുതിരകൾ ശനി ഗ്രഹത്തെ പ്രതിനിധീകരിക്കുകയും ഐക്യവും സമാധാനവും ക്ഷണിച്ചുവരുത്തുകയും ചെയ്യും
7 കുതിരകളുടെ പെയിന്റിംഗ് തൂക്കിയിടുന്നതിനുള്ള ഏറ്റവും നല്ല ദിശ വീടിന്റെയോ ഓഫീസിന്റെയോ തെക്ക് വശത്തെ ചുവരാണ്. ഈ ദിശ വിജയവും പ്രശസ്തിയും സൂചിപ്പിക്കുന്നു.വടക്ക്, സമ്പത്തിന്റെയും തൊഴിലിന്റെയും ദിശയാണ്. അതിനാൽ, വടക്ക് ഭിത്തിയിൽ 7 കുതിരകളുടെ പെയിന്റിംഗ് വയ്ക്കുന്നത് കുടുംബത്തിൽ ഐശ്വര്യം വർദ്ധിപ്പിക്കും,കിഴക്ക് ദിശയിൽ 7 കുതിരകളുടെ പെയിന്റിംഗ് സൂക്ഷിക്കുകയാണെങ്കിൽ, അത് നിങ്ങളുടെ കരിയറിന്റെ വളർച്ചയിലേക്ക് നയിക്കും
