വീട്ടിലെ ഒരംഗത്തെപ്പോലെ കാണുന്നവയാണ് ഇപ്പോൾ പൂച്ചകൾ . പണ്ട് ഇവയൊക്കെ എലിയെ പിടിക്കുന്നവർ മാത്രമായിരുന്നു. എന്നാൽ ഇപ്പോൾ ഇവ വീട്ടിലെ അരുമയായവയാണ്. ഇവ വീടിന്റെ അലങ്കാരവും സ്റ്റാറ്റസ് സിംബലുമൊക്കെയായി മാറിയിരിക്കുകയാണ്.
അടച്ചിട്ട വാതിലിന് മുന്നിൽ പുച്ചയെ നിങ്ങൾ എപ്പോഴെങ്കിലും കണ്ടിട്ടുണ്ടോ… കണ്ടിട്ടുണ്ടെങ്കിൽ തന്നെ ശ്രദ്ധിച്ചിട്ടുണ്ടോ… ? അടച്ചിട്ട വാതിലിന് മുന്നിൽ പൂച്ചകൾ അസ്വസ്ഥരായി നിൽകുന്നത് കാണാം. ആ സമയത്ത് അവ വിള്ളലിനടിയിൽ രോമമുള്ള ഒരു കൈ കുത്തി നോക്കുന്നുണ്ടാവും. അല്ലെങ്കിൽ വാതിൽക്കൽ മുട്ടാൻ തുടങ്ങും . എന്നാൽ പൂച്ചകൾ അടഞ്ഞ വാതിലുകളെ ഇത്രയധികം വെറുക്കുന്നത് എന്തുകൊണ്ടാണ്?
പൂച്ചകൾക്ക് ജിജ്ഞാസയുണ്ടെന്നും ഫോമോ നഷ്ടപ്പെടുമെന്ന ഭയമുണ്ടെന്നും ബോർഡ് സർട്ടിഫൈഡ് വെറ്ററിനറി ബിഹേവിയറിസ്റ്റ് ഡോ പറയുന്നു. ഇതിനാലാണ് പൂച്ചകൾ അടഞ്ഞ വാതിലിന് മുന്നിൽ പക്കച്ച് നിൽക്കുന്നത്. ഫിയർ ഓഫ് മിസിങ് ഔട്ട്് (Fear Of Missing Out) എന്നതാണ് ഫോമോയുടെ പൂർണരൂപം. ഏത് അവസരവും നമുക്ക് മിസ് ആയിപ്പോകുമോ എന്ന പേടിയാണ് ഫോമോ എന്നത് കൊണ്ട് ഉദ്ദേശിക്കുന്നത്.
പൂച്ചകൾ ജിജ്ഞാസയുള്ള ജീവികളാണ്. മാത്രമല്ല അവരുടെ ഉടമസ്ഥന്റെ വീട് ഉൾപ്പെടെ അവരുടെ പ്രദേശത്ത് സംഭവിക്കുന്ന എല്ലാ കാര്യങ്ങളും നിരീക്ഷിക്കാൻ അവർ ഇഷ്ടപ്പെടുന്നു. ഈ ്ജിജ്ഞാസ കൊണ്ടാണ് പൂച്ചകൾ വാതിലുകൾ ആക്രമിക്കുന്നത് പിന്നിലുള്ള കാരണമായി പറയുന്നത്. പൂച്ചകൾ വാതിലിന് പിന്നിൽ നടക്കുന്ന കാര്യങ്ങളിൽ ഏർപ്പെടാൻ ആഗ്രഹിക്കുന്നില്ലെങ്കിലും, എന്താണ് സംഭവിക്കുന്നതെന്ന് അറിയാൻ അവർ ആഗ്രഹിക്കുന്നു.
ബിഹേവിയറൽ പ്രോസസ്സ് ജേണലിൽ പ്രസിദ്ധീകരിച്ച 2017 ലെ ഒരു പഠനം സൂചിപ്പിക്കുന്നത് മിക്ക പൂച്ചകളും ഭക്ഷണവും കളിപ്പാട്ടങ്ങളും ഉൾപ്പെടെയുള്ള സാധാനങ്ങൾ ഇഷ്ടപ്പെടുന്നതിനേക്കാൾ കൂടുതൽ മനുഷ്യന്റെ ഇടപെടലാണ് ഇഷ്ടപ്പെടുന്നത് എന്നാണ് . അതുകൊണ്ട് തന്നെ പൂച്ചകളെ വീട്ടിൽ സന്ദർശകർ ഉള്ളപ്പോൾ മാത്രം ഡൈനിംഗ് റൂമിലേക്കുള്ള പ്രവേശനം തടയരുത്. ഒന്നില്ലെങ്കിൽ അവയെ എപ്പോഴും ഡൈനിംഗ് റൂമിൽ നിന്ന് അകറ്റി നിർത്തുക എന്നും പറയുന്നു.
പെടിപ്പിക്കുന്ന ശബ്ദം, പരന്ന ചെവികൾ, കുസൃതി തുടങ്ങിയ പെരുമാറ്റങ്ങൾ പൂച്ച ശരിക്കും അസ്വസ്ഥനാണെന്ന് സൂചിപ്പിക്കുന്നുവെന്ന് പൂച്ചകളെ പരിശോധിക്കുന്ന കൺസൾട്ടന്റ് ഇൻഗ്രിഡ് ജോൺസൺ പറയുന്നത്. പൂച്ചയുടെ പെരുമാറ്റത്തിൽ എന്തെങ്കിലും ആശങ്ക തോന്നുകയാണെങ്കിൽ എത്രയും വേഗം ഡോക്ടറെ കാണിക്കണം എന്നും അദ്ദേഹം പറഞ്ഞു.
