വയറ്റിൽ ഒരു ലക്ഷ്വറി എയർകണ്ടീഷൻഡ് ബാഗും തയ്പിച്ചു വെച്ച്, ലോകത്തോടു മുഴുവൻ ‘തുടങ്ങി ഫൈറ്റ്’ എന്ന് പറഞ്ഞ് രണ്ട് കയ്യും പൊക്കി ബോക്സിങ് സ്റ്റൈലിൽ നിൽക്കുന്ന ഒരു വിദ്വാൻ! ജനിക്കുന്നത് ഒരു ഈച്ചയുടെ വലിപ്പത്തിൽ, പക്ഷേ വളർന്നു വലുതാകുമ്പോൾ ഡബ്ല്യു.ഡബ്ല്യു.ഇ ചാമ്പ്യന്മാരെപ്പോലെ നെഞ്ചും വിരിച്ചു നിൽക്കുന്ന ഓസ്‌ട്രേലിയയിലെ ഈ ലോക്കൽ ഗുണ്ടകളെ നമ്മൾ സോഷ്യൽ മീഡിയയിൽ ഒരുപാട് കണ്ടിട്ടുണ്ട്. അതെ, നമ്മുടെ സ്വന്തം കംഗാരുക്കൾ!
ശാസ്ത്രലോകം ഇവരെ ‘മാക്രോപോഡിഡേ’ (Macropodidae) എന്ന വലിയ കാലുള്ളവരുടെ കുടുംബത്തിലാണ് ഉൾപ്പെടുത്തിയിരിക്കുന്നത്. നമ്മുടെ റെഡ് കംഗാരുക്കളാണ് ഈ ഗ്രൂപ്പിലെ ‘ലക്ഷ്വറി ബോസ്’. ഇവന്മാർക്ക് 2 മീറ്റർ (ആറടിയിലധികം) ഉയരവും 90 കിലോ തൂക്കവുമുണ്ടാകും. ഒരു സാധാരണ മനുഷ്യൻ ജിമ്മിൽ പോയി കഷ്ടപ്പെട്ടാൽ പോലും കിട്ടാത്ത ഒന്നാന്തരം ബോഡിയാണ് ഈ ആൺ കംഗാരുക്കൾക്ക് പ്രകൃതി ഫ്രീയായി കൊടുത്തിരിക്കുന്നത്. ഇനി ഇവന്മാരുടെ നടത്തം കണ്ടാൽ നമ്മൾ ചിരിച്ചുപോകും. മുന്നോട്ട് നടക്കാൻ പറഞ്ഞാൽ ഇവന്മാർക്ക് നടക്കാൻ അറിയില്ല, പകരം ചാട്ടമാണ് മെയിൻ. ഒരൊറ്റ ചാട്ടത്തിന് 9 മീറ്റർ ദൂരവും 3 മീറ്റർ ഉയരവും കീഴടക്കാൻ ഇവരുടെ ആ പവർഫുൾ പിൻകാലുകൾക്ക് കഴിയും. ഇതിനെല്ലാം സപ്പോർട്ട് നൽകുന്നത് ഇവരുടെ ആ തടിയൻ വാലാണ്. നിൽക്കുമ്പോൾ ഒരു മൂന്നാം കാലായിട്ടും, പതുക്കെ നടക്കുമ്പോൾ ഒരു പ്രൊപ്പല്ലർ പോലെയും ഈ വാല് വർക്ക് ചെയ്യും. ഈ വലിയ വാലും കാലും ഉള്ളതുകൊണ്ട് പാവങ്ങൾക്ക് ‘റിവേഴ്സ് ഗിയർ’ ഇല്ല, അതായത് പിന്നോട്ട് നടക്കാൻ കംഗാരുക്കൾക്ക് കഴിയില്ല!
ഇനി ഇവന്മാരുടെ ഭക്ഷണരീതി നോക്കിയാൽ കടുത്ത വെജിറ്റേറിയനാണ്. പുല്ലും ഇലയും ഒക്കെയാണ് മെനു. പശുക്കളെപ്പോലെ കഴിച്ച ഭക്ഷണം വീണ്ടും വായിലേക്ക് കൊണ്ടുവന്ന് ചവച്ചരച്ച് തിന്നുന്ന (Fermentation) ഒരു പ്രത്യേക ദഹനവ്യവസ്ഥയാണ് ഇവരുടേത്. പക്ഷേ പശുക്കളെപ്പോലെ ഇവന്മാർ അധികം മീഥെയ്ൻ ഗ്യാസ് പുറത്തുവിടാറില്ല എന്നതുകൊണ്ട് പരിസ്ഥിതി മലിനീകരണ കേസിൽ ഇവന്മാർ ഫ്രീയാണ്! വെയിൽ മൂക്കുമ്പോൾ കാട്ടിലെ മരത്തണലിൽ കിടന്നുറങ്ങുകയും, പുലർച്ചെയും സന്ധ്യയ്ക്കും ‘ഡിന്നർ ഡേറ്റിംഗിന്’ ഇറങ്ങുകയുമാണ് ഇവരുടെ പതിവ്. വെള്ളം കുടിക്കാതെയൊക്കെ ദിവസങ്ങളോളം മരുഭൂമിയിൽ പിടിച്ചുനിൽക്കാൻ ഇവർക്ക് പ്രത്യേക കഴിവുണ്ട്.
പക്ഷേ കംഗാരുക്കളുടെ ജീവിതത്തിലെ ഏറ്റവും വലിയ കോമഡിയും അത്ഭുതവും നടക്കുന്നത് ഇവരുടെ പ്രണയത്തിലും പ്രസവത്തിലുമാണ്. പെൺകുട്ടികളെ വളയ്ക്കാൻ വേണ്ടി ആൺ കംഗാരുക്കൾ തമ്മിൽ റൂട്ടിലിട്ട് തല്ലുകൂടും. തല്ല് എന്ന് പറഞ്ഞാൽ സാധാരണ തല്ലല്ല, വാലിൽ ഭാരം കൊടുത്ത് വായുവിൽ ഉയർന്നു പൊങ്ങി പിൻകാലുകൊണ്ട് നെഞ്ചത്തോട്ട് ഒരൊറ്റ തൊഴി! ഒപ്പം മുൻകൈകൾ കൊണ്ട് ഒന്നാന്തരം ബോക്സിങ്ങും! ഇതിൽ ജയിക്കുന്നവനാണ് ഗ്രൂപ്പിലെ ലീഡർ.
ഇനി ഈ അടിപിടി കഴിഞ്ഞ് ഏകദേശം 30-36 ദിവസത്തെ ഗർഭകാലം കഴിയുമ്പോൾ അമ്മ കംഗാരു പ്രസവിക്കുന്നത് എന്തിനെയാണെന്ന് അറിയാമോ? വെറും 2 സെന്റീമീറ്റർ മാത്രം വലിപ്പമുള്ള, ഒരു ഗ്രാം പോലും തൂക്കമില്ലാത്ത, കണ്ണുകാണാത്ത ഒരു ചെറിയ ‘ഗുലാബ് ജാമുൻ’ പോലത്തെ വാവയെയാണ്! ജനിച്ച ഉടനെ ഈ കുട്ടിപ്പട്ടാളം അമ്മയുടെ രോമങ്ങൾക്കിടയിലൂടെ പിച്ചവെച്ച് പിച്ചവെച്ച് നേരെ അമ്മയുടെ വയറ്റിലെ ആ ‘മാന്ത്രിക ബാഗിലേക്ക്’ (Pouch) അണയാൻ തുടങ്ങും. ബാഗിനകത്ത് കയറിപ്പറ്റിയാൽ പിന്നെ അവിടെയുള്ള മുലക്കണ്ണിൽ വായ്‌വച്ച് ലോക്ക് ചെയ്യും. പിന്നെ ആറുമാസത്തേക്ക് പുറംലോകം കാണില്ല. അവിടെയിരുന്ന് പാലും കുടിച്ച് എയർകണ്ടീഷണർ കാറ്റുമേറ്റ് സുഖമായി വളരും. ആറുമാസം കഴിയുമ്പോൾ ബാഗിൽ നിന്ന് തല പുറത്തേക്കിട്ട് ‘നാട്ടിൽ എന്താണ് വിശേഷം’ എന്ന് നോക്കാൻ തുടങ്ങും. ഏകദേശം 11 മാസം കഴിയുമ്പോഴാണ് കക്ഷി ഈ ബാഗ് സ്ഥിരമായി വെക്കേറ്റ് ചെയ്യുന്നത്. ഈ കുഞ്ഞിനെയാണ് നമ്മൾ സ്നേഹത്തോടെ ‘ജോയി’ (Joey) എന്ന് വിളിക്കുന്നത്. ഇതിനിടയിൽ കാട്ടിൽ വരൾച്ചയോ മറ്റോ വന്ന് സാഹചര്യം മോശമായാൽ, വയറ്റിലുള്ള ഭ്രൂണത്തിന്റെ വളർച്ച താല്കാലികമായി നിർത്തിവെക്കാൻ (Embryonic diapause) അമ്മ കംഗാരുവിന് കഴിയും! എങ്ങനെയുണ്ട് പ്രകൃതിയുടെ ടെക്നോളജി?
‘മോബ്’ (Mob) എന്ന് വിളിക്കുന്ന 10 മുതൽ 100 പേരുള്ള വലിയ ഗാങ്ങുകളായിട്ടാണ് ഇവരുടെ താമസം. കൂട്ടത്തിൽ ആർക്കെങ്കിലും അപകടം മണത്താൽ കാലുകൊണ്ട് തറയിൽ ‘ധും ധും’ എന്ന് അടിച്ച് ഇവർ ബാക്കിയുള്ളവർക്ക് വിസിൽ കൊടുക്കും. ഡിംഗോ എന്ന കാട്ടുനായ്ക്കളും വലിയ കഴുകന്മാരുമൊക്കെയാണ് ഇവരുടെ ശത്രുക്കൾ. ശത്രുക്കൾ പിന്നാലെ വന്നാൽ ജീവനും കൊണ്ട് ഇവർ മണിക്കൂറിൽ 70 കി.മീ സ്പീഡിൽ ചാടിപ്പോകും. ചിലപ്പോൾ രക്ഷപെടാൻ വേണ്ടി ഇവർ പുഴയിൽ ചാടി നീന്തുകയും ചെയ്യും. ശത്രുവിനെ വെള്ളത്തിൽ മുക്കിക്കൊല്ലാനും ഇവന്മാർക്ക് അറിയാം! മനുഷ്യന്റെ വണ്ടികൾ ഇടിച്ചും കാടുകൾ നശിച്ചുമൊക്കെ ഇന്ന് ഒട്ടുമിക്ക കംഗാരുക്കളുടെയും ജീവിതം വഴിമുട്ടി നിൽക്കുകയാണ്.
അതുകൊണ്ട്, ഇനി ഇൻസ്റ്റാഗ്രാമിലോ ഫേസ്ബുക്കിലോ ഒരു കംഗാരു രണ്ട് കയ്യും പൊക്കി ബോക്സിങ് പൊസിഷനിൽ നിൽക്കുന്ന വീഡിയോ കണ്ട് വെറുതെ ലൈക്കും അടിച്ച് ചിരിച്ചു തള്ളരുതേ കാരണം, ജനിക്കുമ്പോൾ ഒരു ഈച്ചയുടെ അത്രയും വലിപ്പമില്ലാത്ത സ്വന്തം കുഞ്ഞിനെ നെഞ്ചിലെ ബാഗിലിട്ട് കാത്തുസംരക്ഷിച്ച്, ശത്രുക്കൾക്ക് നേരെ വായുവിൽ ഉയർന്നു പൊങ്ങി ‘മാസ്സ് തൊഴി’ എറിയാൻ അവർക്ക് തന്റേടം നൽകുന്നത് ആഫ്രിക്കൻ മരുഭൂമിയിലെ കഠിനമായ അതിജീവനമാണ്. ജീവിതത്തിൽ നമ്മളെ ചവിട്ടിത്താഴ്ത്താൻ ശത്രുക്കൾ വരുമ്പോൾ പിന്നോട്ട് ഓടുകയല്ല വേണ്ടത്, മറിച്ച് കംഗാരുവിനെപ്പോലെ ‘ബാക്ക് ഗിയർ’ ഇല്ലാതെ മുന്നോട്ട് മാത്രം ചാടി, നട്ടെല്ല് നിവർത്തി രണ്ട് കയ്യും പൊക്കി പോരാടണമെന്നാണ് ഈ ഓസ്‌ട്രേലിയൻ ഹീറോകൾ നമ്മളെ പഠിപ്പിക്കുന്നത്.
