ഡൽഹി യൂണിവേഴ്സിറ്റി വിദ്യാർത്ഥി യൂണിയൻ തിരഞ്ഞെടുപ്പിൽ വൻ വിജയം നേടി എബിവിപി. നാല് പ്രധാന പദവികളിൽ പ്രസിഡന്റ് ഉൾപ്പെടെ മൂന്നെണ്ണത്തിലാണ് എബിവിപി സ്ഥാനാർത്ഥികൾ വിജയിച്ചത്. എബിവിപിയുടെ യാഷ് ദാബാസ് പ്രസിഡന്റായും റിയ ഛാവ്ഡി സെക്രട്ടറിയായും ലക്ഷ്യ രാജ് സിംഗ് ജോയിന്റ് സെക്രട്ടറിയായും തിരഞ്ഞെടുക്കപ്പെട്ടു. കോൺഗ്രസിന്റെ വിദ്യാർത്ഥി സംഘടനയായ എൻഎസ്‌യുഐക്ക് ഒരു സീറ്റിലും വിജയിക്കാൻ കഴിഞ്ഞില്ല.
ആരും പ്രതീക്ഷിക്കാത്ത വൻ തിരിച്ചടിയാണ് കോൺഗ്രസ് അനുഭവിച്ചത്. എന്നാൽ വൈസ് പ്രസിഡന്റ് പദവിയിൽ സ്വതന്ത്ര സ്ഥാനാർത്ഥിയായ ദീപാംഷു ഷോകീൻ വൻ ഭൂരിപക്ഷത്തോടെ വിജയിച്ചു. മുൻപ് എൻഎസ്‌യുഐ പ്രവർത്തകനായിരുന്ന ദീപാംഷു, സീറ്റ് നിഷേധിക്കപ്പെട്ടതിനെത്തുടർന്ന് സ്വതന്ത്രനായി മത്സരിക്കുകയായിരുന്നു. എൻഎസ്‌യുഐ, എബിവിപി സ്ഥാനാർത്ഥികളെ വലിയ വോട്ടുവ്യത്യാസത്തിൽ പരാജയപ്പെടുത്തിയാണ് അദ്ദേഹം ഈ നേട്ടം കൈവരിച്ചത്.
അതേസമയം, ഡൽഹി യൂണിവേഴ്സിറ്റി സ്റ്റുഡന്റ്സ് യൂണിയൻ (DUSU) തെരഞ്ഞെടുപ്പ് പ്രചാരണത്തിനിടെയുണ്ടായ അക്രമങ്ങളെത്തുടർന്ന് വിജയാഘോഷ ഘോഷയാത്രകൾ ഡൽഹി ഹൈക്കോടതി വിലക്കി. പകൽ ക്ലാസുകളിൽ പങ്കെടുക്കുന്ന വിദ്യാർത്ഥികൾക്കുള്ള വോട്ടെടുപ്പ് പുരോഗമിക്കുന്ന സാഹചര്യത്തിലാണ് ഇത്. നിയമങ്ങൾ ലംഘിച്ചതിന് കൂട്ടായ തിരഞ്ഞെടുപ്പ് പിഴ ചുമത്തരുതെന്ന് ചോദിച്ച് ഹൈക്കോടതി എല്ലാ വിദ്യാർത്ഥി സംഘടനകൾക്കും കാരണം കാണിക്കൽ നോട്ടീസ് അയച്ചു.
