“പത്രസ്വാതന്ത്ര്യത്തിനു മേലുള്ള അക്രമം എതിർക്കുക തന്നെ ചെയ്യും” : കേന്ദ്ര ആഭ്യന്തരമന്ത്രി അമിത് ഷാ

മുംബൈ: പത്രസ്വാതന്ത്ര്യത്തിനു മുകളിലുള്ള ആക്രമണങ്ങൾ ശക്തമായി എതിർക്കുക തന്നെ ചെയ്യുമെന്ന് കേന്ദ്ര ആഭ്യന്തര മന്ത്രി അമിത് ഷാ. റിപ്പബ്ലിക് ടിവി ചീഫ് അർണബ് ഗോസ്വാമി ആക്രമിക്കപ്പെടുകയും, തുടർന്ന് അറസ്റ്റ് ചെയ്യപ്പെടുകയും ചെയ്ത സംഭവത്തിൽ പ്രതികരിക്കുകയായിരുന്നു അമിത് ഷാ.

“കോൺഗ്രസും സഖ്യകക്ഷികളും ജനാധിപത്യത്തെ ഒരിക്കൽ കൂടി നാണം കെടുത്തിയിരിക്കുന്നു. അർണബിനും റിപ്പബ്ലിക് ടിവിയ്ക്കും മേലെ സംസ്ഥാന സർക്കാരിന്റെ അധികാരം ദുരുപയോഗം ചെയ്തത്, പത്ര സ്വാതന്ത്ര്യത്തിനെതിരെയുള്ള അക്രമമാണ്. ഇതെന്നെ ഓർമ്മപ്പെടുത്തുന്നത് അടിയന്തരാവസ്ഥക്കാലമാണ്. എന്തുതന്നെയായാലും പത്ര സ്വാതന്ത്ര്യത്തിനു നേരെയുള്ള അക്രമങ്ങൾ, എതിർക്കപ്പെടേണ്ടതാണ് എതിർക്കപ്പെടുക തന്നെ ചെയ്യും.” തന്റെ ഔദ്യോഗിക ട്വിറ്റർ അക്കൗണ്ടിലാണ് അമിത് ഷാ ഇപ്രകാരം കുറിച്ചത്.

ഇന്ന് രാവിലെയാണ് റിപ്പബ്ലിക് ടിവി ചീഫ് അർണബ് ഗോസ്വാമിയെ മുംബൈ പോലീസ് സംഘം അറസ്റ്റ് ചെയ്തത്. എൻകൗണ്ടർ സ്പെഷലിസ്റ്റ് സച്ചിൻ വാജെയുടെ നേതൃത്വത്തിലുള്ള സായുധരായ പോലീസ് സംഘമായിരുന്നു അർണബിനെ പിടികൂടിയത്. അദ്ദേഹത്തെ ദേഹോപദ്രവം ഏൽപിച്ചതിനു ശേഷം, വലിച്ചിഴച്ചു കൊണ്ടു പോവുകയായിരുന്നു എന്ന് ദൃക്സാക്ഷികൾ വെളിപ്പെടുത്തുന്നു.

Congress and its allies have shamed democracy once again.

Blatant misuse of state power against Republic TV & Arnab Goswami is an attack on individual freedom and the 4th pillar of democracy.

It reminds us of the Emergency. This attack on free press must be and WILL BE OPPOSED.

— Amit Shah (Modi Ka Parivar) (@AmitShah) November 4, 2020