പ്രതാപകാലത്തിന്റെ ഓർമ്മകളുണർത്തി ഒരോവറിൽ നാല് സിക്സറുകളുമായി കളം നിറഞ്ഞ് ഇന്ത്യയുടെ ലോകകപ്പ് ഹീറോ യുവരാജ് സിംഗ്. റോഡ് സേഫ്റ്റി ലോക സീരീസിൽ ദക്ഷിണാഫ്രിക്കയ്ക്കെതിരെയായിരുന്നു താരത്തിന്റെ വെടിക്കെട്ട്. ദക്ഷിണാഫ്രിക്കൻ മീഡിയം പേസർ സാന്ദർ ഡി ബ്രുയ്ൻ ആയിരുന്നു വീർ നാരായൺ സിംഗ് അന്താരാഷ്ട്ര സ്റ്റേഡിയത്തിൽ യുവിയുടെ ഇര.
37 പന്തിൽ 60 റൺസുമായി ഇതിഹാസ താരം സച്ചിൻ ടെണ്ടുൽക്കർ മടങ്ങിയ ശേഷമായിരുന്നു 38കാരനായ യുവരാജ് ക്രീസിലെത്തിയത്. ബദരിനാഥ് റിട്ടയേർഡ് ഹർട്ട് ആകുകയും യൂസഫ് പഠാൻ പുറത്താകുകയും ചെയ്ത ശേഷമായിരുന്നു പതിനെട്ടാം ഓവറിൽ യുവിയുടെ ആറാട്ട്.
ആദ്യ പന്ത് ഡിഫൻഡ് ചെയ്ത താരം റണ്ണൊന്നും നേടിയില്ല. അടുത്ത സ്ലോ ബോളിൽ താരം സിക്സർ പായിച്ചു. ഫുൾ ലംഗ്തിൽ വന്ന മൂന്നാം പന്തും സിക്സറടിച്ച യുവരാജ് കാണികൾക്ക് ആവേശമായി.
2007 ട്വെന്റി 20 ലോകകപ്പിൽ ഇംഗ്ലണ്ടിന്റെ സ്റ്റ്യുവർട്ട് ബ്രോഡിനെ അടിച്ചു പരത്തിയതിന്റെ ഓർമ്മകൾ ഉണർത്തി ലോംഗ് ഓണിന് മുകളിലൂടെ രണ്ട് സിക്സറുകൾ കൂടി യുവരാജ് പറത്തി. യുവരാജിന്റെയും സച്ചിന്റെയും ബാറ്റിംഗ് കരുത്തിൽ ഇന്ത്യ നിശ്ചിത ഇരുപത് ഓവറിൽ 204/3 എന്ന സ്കോറിലെത്തി. മറുപടി ബാറ്റിംഗിൽ ദക്ഷിണാഫ്രിക്കയ്ക്ക് 7 വിക്കറ്റ് നഷ്ടത്തിൽ 148 റൺസ് എടുക്കാനേ സാധിച്ചുള്ളൂ. ഇന്ത്യ 56 റൺസിന്റെ വിജയം നേടി.
യുവരാജിന്റെ വിസ്മയ പ്രകടനത്തെ പുകഴ്ത്തി നിരവധി അന്താരാഷ്ട്ര താരങ്ങൾ രംഗത്തെത്തി. എന്റെ പ്രതാപകാലത്ത് ഞാൻ 6 സിക്സറുകൾ പറത്തിയിരുന്നു. ഇന്ന് നാലെണ്ണവും. ലവ് യു യുവി എന്നായിരുന്നു സഞ്ജയ് മഞ്ജരേക്കറുടെ പ്രതികരണം.
“In my prime I used to hit 6 sixes, now I am hitting 4 sixes!”Love you Yuvi! Thoroughly enjoyed that!#Legends#ColorsCineplex
— Sanjay Manjrekar (@sanjaymanjrekar) March 13, 2021
യുവരാജ് അനായാസം സിക്സറുകൾ പറത്തുന്ന കാഴ്ചയാണ് അന്താരാഷ്ട്ര ക്രിക്കറ്റിലെ ഏറ്റവും മികച്ച കാഴ്ചകളിൽ ഒന്ന് എന്നായിരുന്നു ഇംഗ്ലീഷ് താരം കെവിൻ പീറ്റേഴ്സന്റെ പ്രതികരണം.
https://twitter.com/KP24/status/1370754205506359297?ref_src=twsrc%5Etfw%7Ctwcamp%5Etweetembed%7Ctwterm%5E1370754205506359297%7Ctwgr%5E%7Ctwcon%5Es1_&ref_url=https%3A%2F%2Fwww.hindustantimes.com%2F
