ഡൽഹി: പ്രധാനമന്ത്രി നരേന്ദ്രമോദിയും അമേരിക്കൻ പ്രസിഡണ്ട് ജോ ബൈഡനും ഫോൺ സംഭാഷണം നടത്തി. കൊറോണ സ്ഥിതിഗതികളെ സംബന്ധിച്ചായിരുന്നു ചർച്ച.
കൊറോണ പകർച്ചവ്യാധിയെ എങ്ങനെ നേരിടാമെന്ന് ഇരു രാജ്യങ്ങളുടെയും പ്രതിനിധികൾ ചർച്ച നടത്തിയതായി മാധ്യമ വൃത്തങ്ങൾ അറിയിച്ചു. കൊറോണ വാക്സിൻ ഉണ്ടാക്കുന്നതിനായി അസംസ്കൃത വസ്തുക്കൾ നൽകുമെന്ന് ഒരു ദിവസം മുമ്പ് അമേരിക്ക പ്രഖ്യാപിച്ചിരുന്നു.
പകർച്ചവ്യാധിയുടെ ഈ പ്രതിസന്ധി സമയത്ത് ഇന്ത്യയ്‌ക്കൊപ്പം നിൽക്കുകയാണെന്നും അമേരിക്ക പ്രഖ്യാപിച്ചിരുന്നു. കോവിഷീൽഡ് വാക്സിൻ നിർമ്മിക്കുന്നതിന് ഇന്ത്യക്ക് അസംസ്കൃത വസ്തുക്കൾ നൽകാനും യുഎസ് സമ്മതിച്ചിരുന്നു.
കൊറോണ വൈറസ് വ്യാപനത്തെതുടർന്നുള്ള അണുബാധ, ഓക്സിജൻ പ്രതിസന്ധി, വാക്സിൻ എന്നിവ സംബന്ധിച്ചാണ് യുഎസ് ഇന്ത്യയ്ക്ക് സഹായവാഗ്ദാനം നൽകിയത്. കോവിഡ് -19 പകർച്ചവ്യാധിക്കെതിരായ പോരാട്ടത്തിൽ യുഎസ്പ്രസിഡന്റ് ജോ ബൈഡന്റെ നേതൃത്വത്തിലുള്ള യുഎസ് ഭരണകൂടം ഇന്ത്യയ്ക്ക് അടിയന്തര സഹായം നൽകാൻ തയ്യാറാണെന്നാണ് വൈറ്റ് ഹൌസ് വൃത്തങ്ങൾ കഴിഞ്ഞ ദിവസം അറിയിച്ചത്.
ഇതിനൊപ്പം, കോവിഷീൽഡ് വാക്സിൻ ഇന്ത്യൻ നിർമ്മാതാക്കൾക്ക് ഉടനടി അസംസ്കൃത വസ്തുക്കൾ നൽകാൻ അമേരിക്ക സദാസമയവും തയ്യാറാണെന്നും വൈറ്റ്ഹൌസ് വ്യക്തമാക്കിയിട്ടുണ്ട്.
യുഎസ് ദേശീയ സുരക്ഷാ ഉപദേഷ്ടാവ് ജേക്ക് സള്ളിവൻ അജിത് ഡോവലുമായി നടത്തിയ ഫോൺ സംഭാഷണത്തിന് ശേഷമാണ് യുഎസ് ഈ തീരുമാനം . ദേശീയ സുരക്ഷാ ഉപദേഷ്ടാക്കളുമായി നടത്തിയ ചർച്ചയ്ക്ക് ശേഷം വൈറ്റ് ഹൌസ് നാഷണൽ സെക്യൂരിറ്റി കൗൺസിൽ വക്താവ് എമിലി ഹോർൺ ആണ് ഇക്കാര്യം ഒദ്യോഗികമായി സ്ഥിരീകരിച്ചത്. പകർച്ചവ്യാധിയുടെ പ്രാരംഭ ഘട്ടത്തിൽ ഇന്ത്യ അമേരിക്കയ്ക്ക് സഹായം നൽകിയിരുന്നു. അതുപോലെ, ആവശ്യമുള്ള ഈ സമയത്ത് ഇന്ത്യയെ സഹായിക്കാൻ അമേരിക്കയും തയ്യാറാണ് എന്നാണ് വൈറ്റഹൌസ് പ്രസ്താവന.
വാക്സിനുകൾക്കുള്ള അസംസ്കൃത വസ്തുക്കളുടെ വിതരണവും കോവിഷീൽഡ് വാക്സിനുകൾ ഉത്പാദിപ്പിക്കുന്നതിന് അസംസ്കൃത വസ്തുക്കൾ ഉടൻ നൽകണമെന്നും ഇന്ത്യ ഉടൻ അമേരിക്കയോട് അഭ്യർത്ഥിച്ചു. കൊറോണവൈറസ് വ്യാപനത്തിനെതിരെ പോരാടുന്ന മുൻനിര തൊഴിലാളികളുടെയും കോവിഡ് -19 രോഗികളുടെയും സഹായിക്കുന്നതിനായുളള ടെസ്റ്റ് കിറ്റുകൾ, വെന്റിലേറ്ററുകൾ, പിപിഇ കിറ്റുകൾ എന്നിവയും ഇന്ത്യയ്ക്ക് നൽകാൻ യുഎസ് തീരുമാനിച്ചതായി ഹോർൺ പറഞ്ഞു. ഓക്സിജൻ ഉൽപാദനവും അനുബന്ധ സാമഗ്രികളും ഇന്ത്യയ്ക്ക് ഉടനടി ലഭ്യമാക്കുന്നതിനുള്ള നടപടികൾക്കായി യുഎസ് പ്രവർത്തിക്കുന്നുണ്ടെന്നും ഹോർൺ പറഞ്ഞു.
