ആലപ്പുഴ: ലൈംഗിക ബന്ധത്തിനിടെ കൊല്ലപ്പെട്ട കൈനകരി സ്വദേശിനി അനിതയുടേത് പ്രണയങ്ങൾ ദുരന്തം വിതച്ച കുടുംബം. പ്രണയ ബന്ധത്തെ തുടർന്നുണ്ടായ കലഹത്തിനിടെ വെട്ടേറ്റാണ് അനിതയുടെ അമ്മയും മരിച്ചത്. വര്‍ഷങ്ങള്‍ക്കു മുമ്പ് അനിതയുടെ സഹോദരന്‍റെ പ്രണയബന്ധത്തെ തുടർന്ന് പെണ്‍കുട്ടിയുടെ ബന്ധുക്കളുമായുള്ള തര്‍ക്കത്തില്‍ അനിതയുടെ മാതാവ് വെട്ടേറ്റ് മരിക്കുകയായിരുന്നു. അതേ ദിവസം തന്നെ അനിതയുടെ സഹോദരൻ സ്നേഹിച്ചിരുന്ന പെൺകുട്ടി തൂങ്ങിമരിക്കുകയും ചെയ്തത് നാട്ടിൽ വലിയ കോളിളക്കം സൃഷ്ടിച്ചിരുന്നു.
നഴ്സിംഗ് പഠനത്തിനിടെ പ്രണയ വിവാഹം കഴിച്ച അനിത, രണ്ടു കുട്ടികൾ ആയ ശേഷമാണ് പ്രബീഷുമായി അടുപ്പത്തിലാകുന്നത്. ഒടുവിൽ ഭർത്താവ് അനീഷിനെയും കുട്ടികളെയും ഉപേക്ഷിച്ച് അനിത, പ്രബീഷിനൊപ്പം പോയി. രണ്ടുവർഷത്തോളം വിവിധ സ്ഥലങ്ങളിൽ താമസിച്ച ശേഷം അനിത ഗർഭിണിയായി. അതിനിടെയാണ് പ്രബീഷ് കൈനകരി സ്വദേശിനിയായ രജനിയുമായി അടുക്കുന്നത്. ഇവരുടെ അടുപ്പമാണ് ഇപ്പോൾ അനിതയുടെ കൊലപാതകത്തിൽ കലാശിച്ചത്.
ആറു മാസം ഗർഭിണിയായിരിക്കെയാണ് അനിത കൊല്ലപ്പെടുന്നത്. പ്രബീഷും രജനിയും ചേർന്ന് കഴുത്തു ഞെരിച്ച ശേഷം അനിതയെ ആറ്റിൽ തള്ളുകയായിരുന്നു. മൂന്നു പേരും ചേർന്ന് ലൈംഗികബന്ധത്തിൽ ഏർപ്പെട്ടശേഷമായിരുന്നു കൊലപാതകം നടന്നത്.
