ഡൽഹി: ഘട്ടം ഘട്ടമായി വിജയകരമായി മുന്നോട്ട് നീങ്ങുന്ന ഐ എസ് ആർ ഒയുടെ സ്വപ്ന പദ്ധതി ഗഗൻയാന് അഭിനന്ദനങ്ങളുമായി സ്പേസ് എക്സ്, ടെസ്ല സി ഇ ഒ ഇലോൺ മസ്ക്. ഗഗൻയാൻ പദ്ധതിയുടെ ഭാഗമായ വികാസ് എഞ്ചിന്റെ മൂന്നാം ഘട്ട ദീർഘദൂര പരീക്ഷണം ഐ എസ് ആർ ഒ കഴിഞ്ഞ ദിവസം വിജയകരമായി പൂർത്തീകരിച്ചിരുന്നു. ഇതിനെ അഭിനന്ദിച്ചാണ് ഇലോൺ മസ്ക് രംഗത്തെത്തിയത്.
#ISRO on July 14, 2021 has successfully conducted the hot test of the liquid propellant Vikas Engine for the core L110 liquid stage of the human rated GSLV MkIII vehicle, as part of engine qualification requirements for the #Gaganyaan Programme
Read More: https://t.co/cqYatVNwsf pic.twitter.com/4MFvHIBgVW
— ISRO (@isro) July 14, 2021
ജി എസ് എൽ വി മാക് 3 റോക്കറ്റിന്റെ ലിക്വിഡ് പ്രൊപ്പല്ലന്റ് വികാസ് എഞ്ചിന്റെ മൂന്നാം ഘട്ട പരീക്ഷണമാണ് വിജയകരമായി പൂർത്തീകരിക്കപ്പെട്ടത്. തമിഴ്നാട്ടിലെ മഹേന്ദ്രഗിരിയിലെ ഐ എസ് ആർ ഒ പ്രൊപൽഷൻ കോമ്പ്ലക്സിൽ വെച്ചായിരുന്നു പരീക്ഷണം.
പരീക്ഷണം വിജയകരമായിരുന്നതായി ഐ എസ് ആർ ഒ സ്ഥിരീകരിച്ചു. പരീക്ഷണം 240 സെക്കൻഡ് നീണ്ടു നിന്നു. എഞ്ചിന്റെ പ്രവർത്തനം പ്രതീക്ഷിച്ച പോലെ തൃപ്തികരമായിരുന്നുവെന്ന് ഐ എസ് ആർ ഒ വ്യക്തമാക്കി.
