‘മരണശേഷം വായ്ക്കരി ഇടാൻ മുഖം പോലും അവശേഷിക്കരുതെന്ന രീതിയിൽ പൈശാചികവും ബീഭത്സവുമായി ആക്രമിക്കുമ്പോൾ അത് ഒരു സാധാരണ കൊലപാതകമല്ല, മറിച്ച് മതപരമായ വെറിയുള്ള അപൂർവ്വങ്ങളിൽ അപൂർവ്വമായ കൊലപാതകമാകുന്നു‘: രഞ്ജിത് ശ്രീനിവാസന്റെ ഇൻക്വസ്റ്റ് റിപ്പോർട്ട് പങ്കുവെച്ച് സഹപ്രവർത്തകൻ

ആലപ്പുഴ: എസ് ഡി പി ഐ അക്രമികൾ കൊലപ്പെടുത്തിയ ബിജെപി ഒബിസി മോർച്ച സംസ്ഥാന നേതാവ് ആഡ്വക്കേറ്റ് രഞ്ജിത് ശ്രീനിവാസന്റെ മൃതദേഹ വിചാരണ റിപ്പോർട്ട് പങ്കുവെച്ച് സഹപ്രവർത്തകൻ ആഡ്വക്കേറ്റ് പ്രതാപ് ജി പടിക്കൽ. രഞ്ജിത്തിൻ്റെ പ്രേത വിചാരണ റിപ്പോർട്ട് (ഇൻക്വസ്റ്റ്) ഭീകരമായിരുന്നു എന്ന് അദ്ദേഹം പറയുന്നു.

രഞ്ജിത്തിൻ്റെ മൃതദേഹം പരിശോധിച്ച് ആലപ്പുഴ മെഡിക്കൽ കോളേജിലെ ഫ്രീസർ യൂണീറ്റിന് സമീപം വെച്ച് തയ്യാറാക്കിയ ഇൻക്വസ്റ്റ് റിപ്പോർട്ട് കൊലയാളികളുടെ മതവെറി വെളിവാക്കുന്നതാണ്. ഒരാളെ വകവരുത്താനായി ആക്രമിക്കുമ്പോൾ തലയിൽ ആഴത്തിൽ ഉണ്ടാക്കുന്ന രണ്ടോ മൂന്നോ മുറിവുകൾ സാധാരണ ഗതിയിൽ മരണകാരണമാകും. എന്നാൽ മരണശേഷം വായ്ക്കരി ഇടാൻ മുഖം പോലും അവശേഷിക്കരുതെന്ന രീതിയിൽ പൈശാചികവും ബീഭത്സവുമായി ആക്രമിക്കുമ്പോൾ അത് ഒരു സാധാരണ കൊലപാതകമല്ല, മറിച്ച് മതപരമായ വെറിയുള്ള അപൂർവ്വങ്ങളിൽ അപൂർവ്വമായ കൊലപാതകമാണെന്ന് മനസിലാകുന്നുവെന്ന് അദ്ദേഹം പറയുന്നു.

ഫേസ്ബുക്ക് പോസ്റ്റിന്റെ പൂർണ്ണ രൂപം: ഇന്ന് ഞായറാഴ്ചയാണ് ….

രഞ്ജിത്ത് കൊല്ലപ്പെട്ടിട്ട് ഏഴ് ദിവസമാകുന്നു…..

കേസിൻ്റെ അന്വേഷണം നടത്തുന്ന പോലീസ് ഉദ്യോഗസ്ഥർ എല്ലാവരും മിടുക്കന്മാരായ ഉദ്യോഗസ്ഥരാണ്.

പക്ഷെ ……

കൃത്യത്തിൽ നേരിട്ട് ഉൾപ്പെട്ട പ്രതികളെ നിങ്ങൾ അറസ്റ്റ് ചെയ്യാൻ താമസിക്കുന്നത് എന്തു കൊണ്ടാണ് ?

ചെയ്തത് ആരാണ് എന്ന് നിങ്ങൾക്ക് കൃത്യമായ വിവരം കിട്ടിയിട്ടുണ്ട് എന്ന് ഞങ്ങൾക്കറിയാം…

അവരുടെ ചിത്രങ്ങളൊക്കെ സാക്ഷികൾ കണ്ട് തിരിച്ചറിഞ്ഞിട്ടുമുണ്ടാകാം …..

നന്ദുവിൻ്റെ കേസിലും പാലക്കാട്ടെ സജ്ഞിത്തിൻ്റെ കേസിലും സമയം നീട്ടി നീട്ടി കൊണ്ട് പോയി കേസ് ആറിത്തണുപ്പിച്ച് പ്രതികൾക്ക് പെട്ടെന്ന് ജാമ്യം കിട്ടാനായി ചെയ്യുന്ന പൊടിക്കെകൾക്ക് സുടാപ്പികളുടെ അരുമകളായ മാർക്സിസ്റ്റ് കളുടെ പരോക്ഷ പിന്തുണ ഉണ്ടാകുമെന്നും ഞങ്ങൾക്ക് അറിയാം ….

MLA യോ മെമ്പറോ ആരു വേണമെങ്കിലും സുടാപ്പികളെ സഹായിച്ചോട്ടെ…..

പക്ഷെ, കേരള പോലിസ്, ഇപ്പോഴും ഞങ്ങൾ നിങ്ങളെ വിശ്വസിക്കുന്നു, നിങ്ങൾ ഈ കേസിൽ പ്രതികളെ ഉടൻ പിടിക്കുമെന്ന് ഞങ്ങൾ കരുതുന്നു…..

ഞങ്ങളുടെ വിശ്വാസം നശിപ്പിക്കരുത്….

കാരണം, ഞങ്ങളും ഇവിടുത്തെ പൗരന്മാരാണ്.

പ്രതികളുടെ ഒളിവിടങ്ങൾ നിങ്ങൾക്ക് കണ്ടെത്തുവാൻ സാധിക്കുന്നില്ലെങ്കിൽ അവരുടെ ചിത്രങ്ങൾ പുറത്തു വിടൂ….

നിങ്ങളുടെ ഭാഷയിൽ പറഞ്ഞാൽ ഗ്രാസ്റൂട്ട് ലെവലിൽ പ്രവർത്തകരുള്ള ചങ്കൂറ്റമുള്ള തൻ്റേടമുളള പ്രവർത്തകർ ഈ ഭാരത രാഷ്ട്രത്തിൻ്റെ മുക്കിലും മൂലയിലുമുള്ള ഒരു പ്രസ്ഥാനത്തിൻ്റെ പ്രവർത്തകനാണ് രജ്ഞിത്ത്. സ്വഭാവികമായും പ്രതികളെ സംബന്ധിച്ച് കിട്ടുന്ന ഏത് വിവരവും ഞൊടിയിടയിൽ നിങ്ങൾക്ക് എത്തിച്ച് നല്കാൻ സാധിക്കും….

ഞങ്ങളെ നിരാശപ്പെടുത്തരുത്…..

അഡ്വ പ്രതാപ് ജി പടിക്കൽ

എബിവിപി പ്രവർത്തകൻ വിശാൽ കൊലക്കേസിലെ സ്പെഷ്യൽ പ്രോസിക്യൂട്ടറും രഞ്ജിത് ശ്രീനിവാസന്റെ അടുത്ത സുഹൃത്തും കൂടിയാണ് ലേഖകൻ.

https://www.facebook.com/prathap.padickal/posts/2521376487996332