ഡൽഹി: മൊബൈൽ ഫോണിൽ മുഴുകി പരിസര ബോധമില്ലാതെ നടന്ന യാത്രികൻ കാൽ വഴുതി മെട്രോ ട്രാക്കിൽ വീണു. കഴിഞ്ഞ ദിവസം ഡൽഹിയിലായിരുന്നു സംഭവം. സി ഐ എസ് എഫ് ഉദ്യോഗസ്ഥരുടെ സമയോചിതമായ ഇടപെടലാണ് ഇയാളെ രക്ഷപ്പെടുത്തിയത്. ട്രാക്കിൽ വീണതിന്റെ നേരിയ പരിക്കുകൾ 58-കാരന് സംഭവിച്ചിട്ടുണ്ട്.
കഴിഞ്ഞ ദിവസം വൈകുന്നേരം 7.30 ഓടെയായിരുന്നു സംഭവം. പ്ലാറ്റ്ഫോം നമ്പർ രണ്ടിലാണ് മധ്യവയസ്കൻ വീണത്. ട്രെയിൻ എത്തുന്നതിന് മുന്നേ ട്രാക്കിന്റെ മറുവശത്തായിരുന്ന സി ഐ എസ് എഫ് കോൺസ്റ്റബിൾ രോതഷ് ചന്ദ്ര പാഞ്ഞെത്തി വീണയാളെ ട്രാക്കിൽ നിന്നും വലിച്ച് കയറ്റുകയായിരുന്നു. ഡൽഹിയിലെ ഷഹദാര സ്വദേശിയാണ് അപകടത്തിൽ പെട്ടത്. സംഭവത്തിന്റെ വീഡിയോ സാമൂഹിക മാധ്യമങ്ങളിൽ വൈറൽ ആകുകയാണ്.
A passenger namely Mr. Shailender Mehata, R/O Shadhara, slipped and fell down on the metro track @ Shahdara Metro Station, Delhi. Alert CISF personnel promptly acted and helped him out. #PROTECTIONandSECURITY #SavingLives@PMOIndia @HMOIndia @MoHUA_India pic.twitter.com/Rx2fkwe3Lh
— CISF (@CISFHQrs) February 5, 2022
