അഭിലാഷ് പിള്ള എന്ന് പേര് ഇന്ന് മലയാളികൾക്ക് സുപരിചിതമാണ്. മാളികപ്പുറത്തിൻ്റെ തിരക്കഥ ഒരുക്കിയ ആ യുവഎഴുത്തുകാരൻറെ പേര് അങ്ങനെയാരും മറക്കാനിടയില്ല. എന്നാൽ താൻ നല്ല കഥയെഴുത്തുകാരൻ മാത്രമല്ല അസ്സൽ ഗായകൻ ആണെന്ന് കൂടി തെളിയിച്ചിരിക്കുകയാണ് അഭിലാഷ് ഇപ്പോൾ.
മാളികപ്പുറം ഉൾപ്പെടെയുള്ള നിരവധി ഹിറ്റ് സിനിമകളിൽ പ്രേക്ഷകരെ ത്രസിപ്പിച്ച യുവ സംഗീത സംവിധായകനായ രഞ്ജിൻ രാജ് സംഗീത സംവിധാനം നിർവ്വഹിച്ച് 2020 ൽ പുറത്തിറങ്ങിയ അൽ മല്ലു എന്ന ചിത്രത്തിലെ കെ എസ് ഹരിശങ്കറും ശ്വേത മോഹനും കൂടെ ആലപിച്ച മേടമാസം എന്നാ ഗാനമാണ് അഭിലാഷ് മനോഹരമായി പാടിയിരിക്കുന്നത് .
രഞ്ജിൻ രാജ് തന്നെയാണ് അഭിലാഷ് പാടുന്ന വീഡിയോ മൂന്ന് വർഷങ്ങൾക്ക് മുൻപ് ഫേസ്ബുക്കിൽ പോസ്റ്റ് ചെയ്തത് മേടമാസം എന്റെ ആത്മമിത്രവും വരാനിരിക്കുന്ന ചില കിടുക്കൻ സിനിമകളുടെ എഴുത്തുകാരനുമായ അഭി പാടിയപ്പോൾ. “അറിഞ്ഞില്ല ആരും പറഞ്ഞതുമില്ല കുട്ട്യേ!!! എന്ന തലക്കെട്ടോടെയാണ് അഭിലാഷിന്റെ പാട്ട് അന്ന് രഞ്ജിൻ രാജ് പോസ്റ്റ് ചെയ്തത്. ഇപ്പോൾ ഇതാ വീണ്ടും അഭിലാഷിന്റെ പാട്ട് റീ പോസ്റ്റ് ചെയ്തതിരിക്കുകയാണ്
രഞ്ജിൻ.
തൻറെ പ്രിയ സുഹൃത്തിന്റെ പോസ്റ്റിന്റെ താഴെ അപമാനിച്ചു കഴിഞ്ഞോ, പഴയ കുത്തിപ്പൊക്കലുകൾ എന്റെ കൈയിലും ഉണ്ട് എന്ന തമാശ അടങ്ങിയ കമന്റുമായി അഭിലാഷും എത്തി. പ്രേക്ഷകശ്രദ്ധ നേടിയ പത്താം വളവ്, നൈറ്റ് ഡ്രൈവ്, കടാവർ എന്നീ ചിത്രങ്ങൾക്കു ശേഷം അഭിലാഷ് പിള്ള തിരക്കഥ എഴുത്തിയ ചിത്രമായിരുന്നു വമ്പൻ വിജയം കരസ്ഥമാക്കി ജൈത്രയാത്ര തുടരുന്ന മാളികപ്പുറം. ചിത്രത്തിൽ അഭിനേതാവായും അഭിലാഷ് പ്രേക്ഷകർക്ക് മുന്നിൽ എത്തിയിരുന്നു
മാളികപ്പുറത്തിന്റെ വിജയത്തിന് ശേഷം അഭിലാഷ് ഇപ്പോൾ സംവിധായികയും രജനികാന്തിന്റെ മകളുമായ സൗന്ദര്യ രജനികാന്തുമായി ചേർന്ന് പുതിയ സിനിമയ്ക്കായി തയ്യാറെടുക്കുകയാണ്
