കൊച്ചി: മലബാർ ഹിന്ദു വംശഹത്യയുടെ കഥ പറയുന്ന ‘1921 പുഴ മുതൽ പുഴ വരെ‘ എന്ന ചിത്രത്തിന്റെ തിയേറ്റർ ലിസ്റ്റ് പുറത്തു വിട്ട് സംവിധായകൻ രാമസിംഹൻ അബൂബക്കർ. മാർച്ച് 3 വെള്ളിയാഴ്ചയാണ് ചിത്രം റിലീസ് ചെയ്യുന്നത്. മമധർമ പ്രൊഡക്ഷൻസിന്റെ ബാനറിൽ നിർമ്മിക്കുന്ന ചിത്രം തിരക്കഥയെഴുതി സംവിധാനം ചെയ്യുന്നത് രാമസിംഹനാണ്.
ഈ ചിത്രം 1921ലെ ആത്മാക്കൾക്കുള്ള സമൂഹ ബലിയാണെന്ന് രാമസിംഹൻ പറയുന്നു. 1921ലെ ആത്മാക്കൾക്ക് 2021ൽ ബലിയിട്ട് തുടങ്ങിയതാണ് മമധർമ്മ. ഇന്ന് ഞാനവർക്ക് അർപ്പിക്കുന്നത് ഒരു സമൂഹ ബലിയാണ്, ലോകത്തിന്റെ എല്ലാ കോണിൽ നിന്നും അവർക്ക് ലഭിച്ച ഒരുരുള ചോറ്, അതാണ് 1921 പുഴമുതൽ പുഴവരെ എന്ന് രാമസിംഹൻ ഫേസ്ബുക്കിൽ കുറിച്ചു.
ആ അർപ്പണത്തിൽ പങ്കാളികളാകുവാൻ ഏവരേയും ക്ഷണിക്കുകയാണെന്നും അദ്ദേഹം പറയുന്നു.
ഫേസ്ബുക്ക് പോസ്റ്റിന്റെ പൂർണ്ണ രൂപം: 1921ലെ ആത്മാക്കൾക്ക് 2021ൽ ബലിയിട്ട് തുടങ്ങിയതാണ് മമധർമ്മ ഇന്ന് ഞാനവർക്ക് അർപ്പിക്കുന്നത് ഒരു സമൂഹ ബലിയാണ്, ലോകത്തിന്റെ എല്ലാ കോണിൽ നിന്നും അവർക്ക് ലഭിച്ച ഒരുരുള ചോറ് അതാണ് 1921 പുഴമുതൽ പുഴവരെ…. ആ അർപ്പണത്തിൽ നിങ്ങളും പങ്കാളികളാവുക…
ഇത് പൂർവ്വികർക്ക് നൽകാനുള്ള
മഹത്തായ ബലിയാണ്…
ഓർക്കണം… ഓർമ്മിപ്പിക്കണം
ചങ്കു വെട്ടി… വെട്ടിച്ചിറ.. ഇതൊക്കെ ചരിത്രത്തിന്റെ ശേഷിപ്പുകളാണ്…
🙏🙏🙏🙏🙏
തുവ്വൂരിൽ നാഗാളിക്കാവിൽ, പുഴമുതൽ പുഴവരെയിൽ ബലിയാടായവരെ..നിങ്ങൾക്കുള്ള
ഒരു തർപ്പണമാണ്…
നിലവിളിച്ചവർക്കുള്ള തർപ്പണം..
മമധർമ്മ…
ഇനി ഞാനൊന്നുറങ്ങട്ടെ..
