കൊച്ചി: ഓസ്കർ പുരസ്കാരം നേടിയ ആർ ആർ ആർ ടീമിനെ അഭിനന്ദിച്ച് ഇട്ട ഫേസ്ബുക്ക് പോസ്റ്റിലെ അബദ്ധങ്ങളുടെ പേരിൽ അപഹാസ്യയായ സംസ്ഥാന യുവജന കമ്മീഷൻ അദ്ധ്യക്ഷ ചിന്താ ജെറോമിനെ പരിഹസിച്ച് നടൻ വിനായകൻ. ഫേസ്ബുക്ക് പോസ്റ്റിലൂടെയാണ് വിനായകന്റെ പരിഹാസം. IAM tha but u r not tha ……..(‘അയാം താ ബട്ട് യൂ ആർ നോട്ട് താ‘) എന്ന തലക്കെട്ടിൽ ചിന്താ ജെറോമിന്റെ ചിത്രം ഉൾപ്പെടുത്തിയ വിനായകന്റെ പോസ്റ്റാണ് ശ്രദ്ധ നേടുന്നത്.
Chandra Bose, a song writer who brought international fame to RRR cinema, awarding Oscar Award to MM Keeravani who provided music is an international recognition for the Telugu cinema literature sector. Respect.എന്നായിരുന്നു ആർ ആർ ആറിന്റെ ഓസ്കർ നേട്ടത്തെ അഭിനന്ദിച്ചു കൊണ്ടുള്ള ചിന്തയുടെ ഫേസ്ബുക്ക് പോസ്റ്റ്. ഇതിന്റെ തർജ്ജമ പലരും പലവിധത്തിൽ രസകരമായി അവതരിപ്പിച്ചിരുന്നു.
ആർആർആർ സിനിമയ്ക്ക് അന്താരാഷ്ട്ര പ്രശസ്തി നേടിക്കൊടുത്ത ചന്ദ്ര ബോസ് എന്ന ഒരു ഗാനരചയിതാവ്, സംഗീതം നൽകിയ എം എം കീരവാണിക്ക് ഓസ്‌കാർ അവാർഡ് സമ്മാനിക്കുന്നത് തെലുങ്ക് സിനിമാ സാഹിത്യ മേഖലയ്ക്ക് ഒരു അന്താരാഷ്ട്ര അംഗീകാരമാണ്. ആദരവ് എന്നിങ്ങനെയാണ് സംവാദകൻ ശ്രീജിത്ത് പണിക്കർ ഇതിന് നൽകിയിരുന്ന പരിഭാഷ.
