ന്യൂഡൽഹി: വിഷു ദിനത്തിൽ ലോകമെമ്പാടുമുള്ള മലയാളികൾക്ക് ആശംസകൾ നേർന്ന് പ്രധാനമന്ത്രി നരേന്ദ്ര മോദി. ഏവർക്കും സന്തോഷവും ആരോഗ്യവും നിറഞ്ഞ വർഷം ആശംസിക്കുന്നതായി പ്രധാനമന്ത്രി പറഞ്ഞു. ട്വിറ്ററിലൂടെയായിരുന്നു അദ്ദേഹം ആശംസ നേർന്നത്.
വിഷുവിന്റെ പ്രത്യേക വേളയിൽ ഏവർക്കും ആശംസകൾ. എല്ലാവർക്കും സന്തോഷവും ആരോഗ്യവും നിറഞ്ഞ ഒരു വർഷം ആശംസിക്കുന്നു. നിങ്ങളുടെ ജീവിതത്തിൽ വിജയവും സമൃദ്ധിയും ഉണ്ടാകട്ടെ- പ്രധാനമന്ത്രി ട്വീറ്റ് ചെയ്തു.
കണിയുടെ ചിത്രം ഉൾപ്പെടുന്ന ആശംസ കാർഡാണ് പ്രധാനമന്ത്രി പങ്കുവച്ചിരിക്കുന്നത്. ഇംഗ്ലീഷിലും മലയാളത്തിലുമാണ് ആശംസ. തിരികെ പ്രധാനമന്ത്രിയ്ക്കും നിരവധി പേരാണ് ആശംസകൾ നേർന്നത്.
