ന്യൂഡെല്‍ഹി: യുദ്ധഭൂമിയായ സുഡാനില്‍ നിന്നും ഇന്ത്യന്‍ പൗരന്മാരെ തിരികെ എത്തിക്കുന്നതിനുള്ള ദൗത്യം ആരംഭിച്ചതായി കേന്ദ്ര വിദേശകാര്യമന്ത്രി എസ് ജയ്ശങ്കര്‍ അറിയിച്ചു. ഓപ്പറേഷന്‍ കാവേരി എന്ന് പേരിട്ടിരിക്കുന്ന ഈ ദൗത്യത്തിന്റെ ആദ്യപടിയായി അഞ്ഞൂറുപേര്‍ തിരികെ നാട്ടിലേക്ക് മടങ്ങാനായി സുഡാന്‍ തുറമുഖത്ത് എത്തി.
സുഡാനില്‍ കുടുങ്ങിയ പൗരന്മാരെ തിരികെ എത്തിക്കുന്നതിനുള്ള ഓപ്പറേഷന്‍ കാവേരി പുരോഗമിക്കുകയാണ്. എതാണ്ട് അഞ്ഞൂറ് ഇന്ത്യക്കാര്‍ സുഡാന്‍ തുറമുഖത്ത് എത്തിയിട്ടുണ്ട്. കൂടുതല്‍ പേര്‍ വന്നുകൊണ്ടിരിക്കുകയാണ്. അവരെ തിരിച്ച് നാട്ടിലെത്തിക്കാന്‍ നമ്മുടെ കപ്പലുകളും വിമാനങ്ങളും തയ്യാറായിരിക്കുകയാണ്. സുഡാനിലെ എല്ലാ സഹോദരന്മാര്‍ക്ക് പിന്തുണ നല്‍കാന്‍ ബാധ്യസ്ഥരാണെന്ന് എസ് ജയ്ശങ്കര്‍ ട്വീറ്റ് ചെയ്തു.
Operation Kaveri gets underway to bring back our citizens stranded in Sudan.
About 500 Indians have reached Port Sudan. More on their way.
Our ships and aircraft are set to bring them back home.
Committed to assist all our bretheren in Sudan. pic.twitter.com/8EOoDfhlbZ
— Dr. S. Jaishankar (@DrSJaishankar) April 24, 2023
ഇന്ത്യക്കാരെ തിരികെ എത്തിക്കുന്നതിന് എയര്‍ഫോഴ്‌സ് C-130J വിമാനം ജിദ്ദയിലും ഐഎന്‍എസ് സുമേധ സുഡാന്‍ തുറമുഖത്തും എത്തിയതായി കഴിഞ്ഞ ദിവസം കേന്ദ്രം അറിയിച്ചിരുന്നു.വിദേശീയരെ ഒഴിപ്പിക്കുന്നതിന്റെ ആദ്യഘട്ടമായി വിവിധ രാജ്യങ്ങളില്‍ നിന്നുള്ള 150 പേര്‍ കഴിഞ്ഞ ദിവസം സുഡാനില്‍ നിന്നും സൗദി അറേബ്യയില്‍ എത്തിച്ചേര്‍ന്നിരുന്നു. സൗദി പൗരന്മാരെ കൂടാതെ ഇന്ത്യ അടക്കം മറ്റ് 12 രാജ്യങ്ങളില്‍ നിന്നുള്ളവരും സൗദിയില്‍ എത്തിച്ചേര്‍ന്നിട്ടുണ്ട്. കഴിഞ്ഞ ആഴ്ച യുദ്ധം ആരംഭിച്ചപ്പോള്‍ കലാപകാരികള്‍ വെടിവെച്ചിട്ട സൗദി അറേബ്യന്‍ എയര്‍ലൈനിലെ ജീവനക്കാരാണ് ഇതിലെ മൂന്ന് ഇന്ത്യക്കാര്‍.
28 രാജ്യങ്ങളില്‍ നിന്നുള്ള 388 പേരെ ഫ്രാന്‍സ് ഇന്ന് സുഡാനില്‍ നിന്നും രക്ഷപ്പെടുത്തിയിരുന്നു. ഇതിലും ഇന്ത്യക്കാര്‍ ഉണ്ടെന്നാണ് വിവരം.
ആര്‍മി തലവന്‍ അബ്ദേല്‍ ഫത്ത അല്‍-ബുര്‍ഹാനോട് പ്രതിപത്തിയുള്ള സേനകളും അദ്ദേഹത്തിന്റെ കീഴുദ്യോഗസ്ഥനും എതിരാളിയും ആയ മുഹമ്മദ് ഹംദാന്‍ ഡാഗ്ലോ കമാന്‍ഡ് ചെയ്യുന്ന ശര്തരായ പാരാമിലിറ്ററി റാപ്പിഡ് സപ്പോര്‍ട്ട് സേനയും തമ്മില്‍ ഏപ്രില്‍ 15നാണ് ഏറ്റുമുട്ടല്‍ ആരംഭിച്ചത്. 2021ലാണ് അട്ടിമറിയിലൂടെ അബ്ദേല്‍ ഫത്ത അല്‍-ബുര്‍ഹാന് അധികാരം പിടിച്ചെടുത്തത്.
