2022-23 മൂല്യനിർണ്ണയ വർഷത്തേക്കുള്ള ആദായ നികുതി വരവുകൾ ഫയൽ ചെയ്യാൻ അവസാന നിമിഷം വരെ കാത്തിരിക്കാതെ ഇപ്പോൾ തന്നെ ചെയ്യാം. ആദായ നികുതി കണക്കുകൾ രേഖപ്പെടുത്താനുള്ള സമയപരിധി അടുത്തുവരികയാണ്. നടപടിക്രമങ്ങൾ പൂർത്തിയാക്കാൻ ജൂലൈ 31 വരെ സമയമുള്ളൂ. അതിൽ ഒരാഴ്‌ച ഇതിനകം കടന്നുപോയി. നിങ്ങളുടെ വരവ് ഫയൽ ചെയ്യാൻ ഇനി മൂന്നാഴ്‌ചയേ ബാക്കിയുള്ളൂ.
ആദായ നികുതി കണക്കുകൾ രേഖപ്പെടുത്താൻ വൈകിക്കുന്നത് അത്ര നല്ലതല്ല. ഈ കാര്യത്തിൽ അവഗണന കാണിക്കരുതെന്ന് ആദായ നികുതി വകുപ്പും അനുശാസിക്കുന്നു. ധാരാളം സമയമുണ്ടെന്നു കരുതി പല ആളുകളും വരവുകൾ രേഖപ്പെടുത്തുന്നത് മാറ്റി വയ്‌ക്കുന്നു. എങ്ങനെയായാലും അവസാന നിമിഷം വരെ കാത്തിരിക്കുന്നത് ഓൺലൈൻ പോർട്ടലിൽ തിരക്കുകൂട്ടാൻ വഴിയൊരുക്കുകയും ബുദ്ധിമുട്ടുണ്ടാക്കുകയും ചെയ്യും. ഇതിൽ ശ്രദ്ധിക്കേണ്ട കാര്യം എന്തെന്നാൽ ആദായനികുതി വരവുകൾ സമർപ്പിക്കാനുള്ള സമയപരിധി കഴിഞ്ഞ വർഷം നീട്ടിയിട്ടില്ല എന്നതാണ്. മാത്രവുമല്ല ഈ വർഷം നീട്ടുമെന്ന സൂചനയുമില്ല. അതുകൊണ്ടുതന്നെ നൽകിയിരിക്കുന്ന സമയത്തിനുള്ളിൽ ഫയലിംഗ് പ്രക്രിയ പൂർത്തിയാക്കേണ്ടത് അത്യാവശ്യമാണ്.
ആദായ നികുതി വരവുകൾ ഫയൽ ചെയ്യുന്നത് കാണുന്നതുപോലെ അത്ര പണിപ്പെട്ട കാര്യമൊന്നുമല്ല. ഫോം 16, ഫോം 26 എഎസ്, എഐഎസ്, ടിഐഎസ് തുടങ്ങിയ രേഖകൾ വച്ച് സർക്കാർ അതിന്റെ കാര്യക്രമങ്ങൾ ലളിതമാക്കിയിട്ടുണ്ട്. കുറഞ്ഞ പരിശ്രമത്തിലൂടെ ലളിതമായ വഴിയിൽ വീട്ടിൽ ഇരുന്നുകൊണ്ട് സുഖമായി വരവുകൾ ഫയൽ ചെയ്യാം. ഇനി ചാർട്ടേഡ് അക്കൗണ്ടന്റിനെ നിയമിക്കുകയോ വലിയ ഫീസ് നൽകുകയോ വേണ്ട. എങ്ങനെ സ്വന്തമായി ആദായ നികുതി വരവുകൾ ഫയൽ ചെയ്യാമെന്ന് നോക്കൂ.
ആദ്യം ആദായ നികുതി വകുപ്പിന്റെ www.incometaxindiaefiling.gov.in. എന്ന പോർട്ടൽ സന്ദർശിക്കുക. നിങ്ങൾക്ക് അതിൽ ആദ്യമേ അക്കൗണ്ട് ഉണ്ടെങ്കിൽ ലോഗിൻ ചെയ്യുക അല്ലെങ്കിൽ പുതിയ അക്കൗണ്ട് ഉണ്ടാക്കാൻ ”നൗ രജിസ്റ്റർ” അമർത്തുക, അതിൽ ഒരു അക്കൗണ്ട് ഉണ്ടാക്കുക. എന്നിട്ട് ഹോം പേജിൽ ഫയൽ എന്ന ഓപ്ഷൻ തിരഞ്ഞെടുക്കുക അതിൽ “ഫയൽ ഇൻകം ടാക്സ് റിട്ടേൺ” തിരഞ്ഞെടുക്കുക. എന്നിട്ട് ഉചിതമായ വർഷം തിരഞ്ഞെടുത്തു ഓൺലൈൻ ഫയലിങ്ങിനായി “വ്യക്തിഗത” ഓപ്ഷനിലേക്ക് പോവുക.
ശരിയായ ഫോം തിരഞ്ഞെടുക്കുന്നതാണ് ഏറ്റവും പ്രധാനപ്പെട്ട ഘട്ടം. നിങ്ങൾ ശമ്പളം വാങ്ങുന്ന വ്യക്തിയാണെങ്കിൽ ഐടിആർ-1 എന്ന ഫോം തിരഞ്ഞെടുക്കുക, അതിൽ വിവരങ്ങൾ മുൻകൂട്ടി രേഖപ്പെടുത്തിയിട്ടുണ്ടാകും. സാലറി സ്ലിപ്പ്, ഫോം 16, എഐഎസ് എന്നിവ ഉപയോഗിച്ച് വിവരങ്ങൾ ശരിയാണോ എന്ന് ഉറപ്പുവരുത്താം. വരവ് ക്ലെയ്മ് ചെയ്യുന്നതിന് മുമ്പ് ബാങ്ക് അക്കൗണ്ട് വിവരങ്ങൾ കൃത്യമാണോ എന്ന് ഒന്നുകൂടി പരിശോധിക്കുക.
പരിശോധനയ്ക്കുശേഷം ഐടിആർ സമർപ്പിക്കുക, അത് ഇ-വെരിഫൈഡ് ആണോ എന്നും ഉറപ്പുവരുത്തുക. ബാങ്ക് വിവരങ്ങൾ ഉപയോഗിച്ച് ഇത് ഓൺലൈനായി ചെയ്യാവുന്നതാണ്. രസീത് നമ്പർ ഉപയോഗിച്ച് ഇതിന്റെ സ്ഥിതി എന്താണെന്ന് ഓൺലൈൻ ആയിട്ട് പരിശോധിക്കാവുന്നതാണ്.
ഇനിയും നീട്ടി വെക്കാതെ, അവസാന നിമിഷത്തെ തിരക്കും ബുദ്ധിമുട്ടുകളും ഒഴിവാക്കാനായി ഇപ്പോൾ തന്നെ നിങ്ങളുടെ ആദായനികുതി വരവുകൾ ഫയൽ ചെയ്യൂ.
