എല്ലായിപ്പോഴും കാര്യങ്ങളെല്ലാം ശുഭമായി വന്നുഭവിക്കാനാണ് നാം ആഗ്രഹിക്കുന്നത്. എന്നാൽ സമയദോഷം എല്ലാമനുഷ്യരുടെയും ജീവിതത്തിൽ സംഭവിക്കാറുണ്ട്. ഇത്തരത്തിൽ മോശം സമയം വരുന്നതിന് മുൻപ് നമ്മുടെ വീട്ടിൽ അതിന്റെ ലക്ഷണങ്ങൾ പ്രകടമാകും എന്നാണ് മഹാപണ്ഡിതനായിരുന്ന ചാണക്യമുനി പറഞ്ഞിട്ടുള്ളത്.
തുളസിചെടി ഉണങ്ങുന്നത്
തുളസിയെ വളരെ പവിത്രമായാണ് നാം കണക്കാക്കുന്നത്. ലക്ഷ്മിദേവിയുടെ സ്വരൂപമായി തുളസിച്ചെടിയെ കാണുന്ന നാം തുളസിത്തറയിൽ സന്ധ്യാനേരങ്ങളിൽ വിളക്ക് വയ്ക്കുന്നു. നല്ല പരിചരണം നൽകിയ ശേഷവും തുളസി ചെടി ഉണങ്ങുകയാണെങ്കിൽ, അത് ഭാവിയിൽ നിങ്ങൾക്ക് സാമ്പത്തിക പ്രതിസന്ധി ഉണ്ടാവുമെന്നതിന്റെ സൂചനയാണെന്ന് പറയുന്നു.
അടിക്കടി ചില്ലുഗ്ലാസ് പൊട്ടുന്നത്
വീട്ടിലെ ചില്ല് ഗ്ലാസുകൾ പൊട്ടുന്നത് വളരെ സാധാരണമായ കാര്യമാണ്.എന്നാൽ ഇത് വീണ്ടും വീണ്ടും ആവർത്തിക്കാൻ തുടങ്ങിയാൽ എന്തോ കുഴപ്പമുണ്ടെന്ന് മനസ്സിലാക്കുക.വീട്ടിലെ ഗ്ലാസ് പാത്രങ്ങളോ കണ്ണാടികളോ പൊട്ടുന്നത് ഒരു അശുഭകരമായ സംഭവത്തിന്റെ ആരംഭത്തെയാണ് സൂചിപ്പിക്കുന്നത്. ഒരിക്കലും ചില്ലു കഷ്ണങ്ങളോ പൊട്ടിയ പാത്രങ്ങളോ വീട്ടിൽ സൂക്ഷിക്കരുത്.
വീട്ടിൽ തർക്കങ്ങൾ
വീട്ടിൽ ചെറിയ കാര്യങ്ങളിൽ കാരണമില്ലാതെ വഴക്കുകൾ ഉണ്ടാകുകയും ചെയ്താൽ, ഇതെല്ലാം വരാനിരിക്കുന്ന സാമ്പത്തിക പ്രതിസന്ധികളിലേക്കാണ് വിരൽ ചൂണ്ടുന്നത്.
വീടിനു ചുറ്റും വവ്വാലുകൾ
വവ്വാലുകൾ വീടിനു ചുറ്റും കറങ്ങുന്നത് വളരെ അശുഭകരമായി കണക്കാക്കപ്പെടുന്നു. ഒരു വ്യക്തിക്ക് എന്തെങ്കിലും വലിയ പ്രശ്‌നങ്ങളുണ്ടാകുന്നതിന്റെ അടയാളമാണ് ഇത്.
പൂജാ ദീപം അണയുക
വീട്ടിലെ പൂജാമുറിയിൽ ആരതി സമയത്ത് ദീപം വീണ്ടും വീണ്ടും അണയുകയാണെങ്കിൽ, സൂക്ഷിക്കുക. ദേവീദേവന്മാരുടെ അപ്രീതിയുടെ ലക്ഷണമാണ്
സ്വർണം നഷ്ടപ്പെടുന്നത്
വീട്ടിലെ ഏതെങ്കിലും അംഗത്തിന്റെ സ്വർണാഭരണം നഷ്ടപ്പെടുന്നത് വരാനിരിക്കുന്ന സാമ്പത്തികപ്രതിസന്ധിയുടെ ലക്ഷണമാണ്.
പൂച്ചയുടെ കരച്ചിൽ
വീട്ടിലോ പരിസരത്തോ നിർത്താതെ ഇടയ്ക്കിടെ പൂച്ച കരയുന്ന ശബ്ദം കേട്ടാൽ ശ്രദ്ധിക്കുക. പൂച്ചയുടെ കരച്ചിൽ ഒരു മോശം ശകുനമായി കണക്കാക്കപ്പെടുന്നു. ജീവിതത്തിൽ മോശമായ ചില സംഭവങ്ങൾ ഉണ്ടാകാനുളള സൂചനയാണിതെന്നും പറയപ്പെടുന്നുണ്ട്.
