ജ്യോതിഷത്തിൽ ഗൗളിശാസ്ത്രത്തിന് വലിയൊരു സ്ഥാനം തന്നെയുണ്ട്. പണ്ട് മുതൽക്കേ ശരീരഭാഗങ്ങളിൽ പല്ലിവീഴുന്നത് ശകുനമായാണ് കണക്കാക്കുന്നത് പുരുഷന്മാർക്കും സ്ത്രീകൾക്കും ഫലങ്ങൾ വ്യത്യാസപ്പെടാമെന്നാണ് പഴമക്കാർ പറയുന്നത് ഗൗളിശകുനത്തെ കാര്യമായി വിശ്വസിക്കുന്നവരും അവിശ്വസിക്കുന്നവരും ഉണ്ട്.
ഗൗളിയുടെ പ്രത്യേകതയനുസരിച്ചുവേണം ശാസ്ത്രത്തെ അറിയാൻ ശ്രമിക്കേണ്ടത്. ഗൗളിയുടെ ചലനങ്ങളും മനുഷ്യശരീരത്തിൽ ഏതു ഭാഗത്ത് വീഴുന്നു എന്നതിനെ അടിസ്ഥാനമാക്കിയാണു ഫലങ്ങൾ മനസിലാക്കേണ്ടത്.
വെളുത്ത നിറത്തിലുള്ള ഗൗളി ചൊവ്വാഴ്ച ദിവസം തലയിൽ വീണാൽ കലഹത്തിനു സാധ്യതയുണ്ടെന്നു മനസിലാക്കണം. ശിരസിനു മധ്യത്തിൽ വീണാൽ ബന്ധുക്കളുമായി കലഹിക്കാൻ സാധ്യതയുള്ളതായും കരുതപ്പെടുന്നു. ഇളം റോസ് നിറത്തിലുള്ള ഗൗളി നെറ്റിയുടെ മധ്യത്തിൽ വീണാൽ ധനലാഭം.
വലതുഭാഗത്താണ് വീഴുന്നതെങ്കിൽ ഐശ്വര്യവും അംഗീകാരവും വർധിക്കും. നീലനിറത്തിലുള്ള ഗൗളി വ്യാഴാഴ്ച ദിവസം വലത്തെ കണ്ണിനും മുകളിൽ വീണാൽ പലവിധ നന്മകൾ ലഭിക്കും, എന്നാൽ ഇടത്തെ കണ്ണിനു മീതെ വീണാൽ കാരാഗൃഹവാസമാണ് ഫലം. ഞായറാഴ്ച ദിവസം ഗൗളി വലത്തെ ചെവിയിൽ വീണാൽ ദീർഘായുസാകും.. ഇടതുവശത്തെ ചെവിയിൽ വീണാൽ ധനയോഗം. വെളുത്ത നിറത്തിൽ കറുത്ത പുള്ളികളുള്ള വാൽ മുറിഞ്ഞ ഗൗളി പുരികത്തിൽ വീണാൽ മരണം. യാത്ര പുറപ്പെടുമ്പോൾ കറുത്ത പല്ലി മുന്നിൽ വീണാൽ ദു:ശകുനം.
ശിരസ്സിന്റെ മധ്യത്തിൽ ഗൗളി വീണാൽ മാതാവിന്റെ സ്ഥാനത്തുള്ളവർക്കോ ഗുരുജനങ്ങൾക്കോ മരണവും, ശിരസിന്റെ പിൻഭാഗത്തു വീണാൽ കലഹവും, നെറ്റിമേൽ വീണാൽ നിധിദർശനവും, നാസാഗ്രത്തിൽ വീണാൽ പലതരം രോഗങ്ങളും, അധരത്തിലായാൽ ധന ഐശ്വര്യാദികളും, ചെവിയിലോ കണ്ണിലോ കവിൾത്തടത്തിനടുത്തോ വീണാൽ മരണ പ്രേരണയും, കഴുത്തിൽ വീണാൽ സജ്ജന സംസർഗവും ഇങ്ങനെ കാൽപാദം വരെ വിവിധ ഫലങ്ങളാണു സിദ്ധിക്കുക.
പുരുഷന്മാർക്ക് വലതുഭാഗത്തും സ്ത്രീകൾക്ക് ഇടതു ഭാഗത്തും വീണ് മേൽപോട്ട് കയറുകയാണെങ്കിൽ ശുഭവും താഴോട്ടിറങ്ങിയാൽ അശുഭവും ഫലം. ക്ഷേത്രത്തിൽവച്ചോ അരയാലിൻ ചുവട്ടിലോ വെച്ച് പല്ലി വീണാൽ ദോഷമുണ്ടാവില്ല.
കതകിനിടയിൽ പെട്ട് പല്ലി ചത്താൽ നമുക്ക് വരേണ്ട ദൗർഭാഗ്യം നീങ്ങി എന്ന് പറയപ്പെടുന്നു. ചത്തപല്ലിയെ കാണുന്നത് ദൗർഭാഗ്യമാണെന്നാണ് വിശ്വാസം.നിലവിളക്കിനു മുകളിൽ ഗൗളിവീഴുന്നത് അതീവ ദോഷകരമാണ് .യാത്ര ചെയ്യുമ്പോൾ വാഹനത്തിൽ ഇവ വീണാൽ ഉടൻ അപകടസാധ്യത പ്രതീക്ഷിക്കണം. അതിനാൽ വാഹനം നിർത്തി കുറച്ചു നേരം കഴിഞ്ഞു മാത്രമേ യാത്രതുടരാവൂ .ഗൗളി കിടക്കയിൽ വീഴുന്നത് വരാനിരിക്കുന്ന ദുഖങ്ങളുടെ സൂചനയാണ്.ഇരിപ്പിടത്തിലാണ് വീണതെങ്കിൽ സുഖദുഃഖങ്ങൾ സമ്മിശ്രമായി ഭവിക്കും.
ശിരസ്: കലഹം
ഉച്ചി: സുഖം
മുഖം: ബന്ധുസമാഗമം
വലതുനെറ്റി: സമ്പത്ത്
ഇടതുനെറ്റി: ബന്ധുദർശനം
നെറ്റി: ഐശ്വര്യം
തിരുനെറ്റി: പുത്രനാശം
വലതുകണ്ണ്: ശുഭം
ഇടതുകണ്ണ്: നിയന്ത്രണം
മൂക്ക്: രോഗം
മേൽചുണ്ട്: ധനനാശം
കീഴ്ചുണ്ട്: ധനലാഭം
വായ: ഭയം
മേൽതാടി: ശിക്ഷ
വലതുചെവി: ദീർഷായുസ്
ഇടതുചെവി: കച്ചവടം
കഴുത്ത്: ശത്രുനാശം
വലതു തോൾ: സ്ത്രീസുഖം
വലതു കൈ: മരണം
ഇടതു കൈ: മരണം
വലതുകൈവിരൽ: സമ്മാനലബ്ധി
ഇടതുകൈവിരൽ: സ്നേഹലബ്ധി
നെഞ്ച്: ധനലാഭം
സ്തനം: പാപസംഭവം
ഹൃദയം: സൗഖ്യം
വയറ്: ധാന്യലാഭം
നാഭി: രത്നലാഭം
വലത്തേ അരക്കെട്ട്: ജീവിതം
ഇടത്തേ അരക്കെട്ട്: മരണം
മുതുക് ധനനാശം
തുട പിതാവിന് രോഗം
കണങ്കാൽ യാത്ര
വലത്തേപാദം രോഗം
ഇടത്തേപാദം ദുഖം
ശരീരത്തിലൂടെ സഞ്ചരിച്ചാൽ ദീർഘായുസ്സ്
