പാരിസ്: മൂട്ടകളുടെ ശല്യത്തിൽ ബുദ്ധിമുട്ടിലായി പാരിസ് ജനത. കഴിഞ്ഞ ഏതാനും നാളുകളായി മൂട്ടകളുടെ വലിയ ശല്യമാണ് പാരിസിൽ അനുഭവപ്പെടുന്നത് എന്നാണ് റിപ്പോർട്ടുകൾ. ഇതേ തുടർന്ന് പൊതുഗതാഗതം ഉപയോഗിക്കാൻ പോലും ആളുകൾക്ക് ഭയമാണെന്നാണ് വിവരം.
നഗരത്തെ ഹോട്ടലുകളിലായിരുന്നു മൂട്ട ശല്യം ആദ്യം കണ്ടത്. പിന്നാലെ തിയറ്ററുകളിലും ബസുകളിലുമെല്ലാം ശല്യം ആരംഭിച്ചു. ആളുകളുടെ ദേഹത്ത് കയറിപ്പറ്റിയ മൂട്ടകൾ വീടുകളിലുമെത്തി. ഇതോടെ വീട്ടിനുള്ളിൽ പോലും സ്വസ്ഥതയില്ലാതായി. മൂട്ടകളെ തുരത്താൻ പല മാർഗ്ഗങ്ങളും ആളുകൾ പരീക്ഷിച്ചു നോക്കി. എന്നാൽ ഫലമുണ്ടായില്ല. തുടർന്ന് തെരുവുകളിൽ കിടക്കകളും കുഷ്യനുകളും സോഫയുമൊക്കെ ആളുകൾ തെരുവിൽ ഉപേക്ഷിക്കുകയാണ്. ഇതിന്റെ വീഡിയോകൾ പുറത്തുവന്നതോടെ സംഭവം വലിയ ചർച്ചാ വിഷയം ആയി.
മെട്രോ ട്രെയിനുകളിൽ ഉൾപ്പെടെ ശല്യമുണ്ട്. ഇതേ തുടർന്നാണ് ആളുകൾ പൊതുഗതാഗതം ഉപേക്ഷിക്കാൻ നിർബന്ധിതരായത്. കിടക്കകളിലും മറ്റും നിറഞ്ഞിരിക്കുന്ന മൂട്ടകളുടെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്. മൂട്ട ശല്യത്തിൽ വ്യാപക പരാതി ഉയർന്നതോടെ ടാസ്‌ക് ഫോഴ്‌സ് രൂപീകരിക്കാനുള്ള നീക്കങ്ങൾ അധികൃതർ ആരംഭിച്ചിട്ടുണ്ട്. അടുത്ത വർഷം ഒളിമ്പിക്‌സിന് പാരിസാണ് വേദിയാകുന്നത്. ഇതിനിടെയാണ് മൂട്ട ശല്യം.
Tourists in Paris on high alert due to bed bug outbreak. What a “bugging” problem for one of the most famous tourist attractions! Quite literally. #paris #bugs pic.twitter.com/iTA2qzsvK2
— Sneha Mordani (@snehamordani) October 6, 2023
